ഒടിയൻ എന്ന ചിത്രത്തിന് വേണ്ടിയുള്ള മോഹൻലാലിൻറെ രൂപമാറ്റത്തെ കുറിച്ചാണ് ഇപ്പോൾ പ്രധാന ചർച്ചാവിഷയം. മോഹൻലാലിൻറെ പുതിയ രൂപത്തെ മോശമായ രീതിയിൽ പരിഹസിക്കുന്നവർക്ക് മറുപടിയുമായി സംവിധായകന്‍ എംഎ നിഷാദ്.

മോഹന്‍ലാലിനെ ഒരു പരിഹാസകഥാപാത്രമാക്കുന്ന മനസ്, അത് കടുത്ത അസംതൃപ്തിയില്‍ നിന്നും വികലമായ മാനസികാവസ്ഥയില്‍ നിന്നും ഉടലെടുത്തതാണെന്ന് തന്റെ ഫേസ്ബുക്ക് പോസ്റ്റിലൂടെ നിഷാദ് അഭിപ്രായപ്പെട്ടു. ഒരു നടന്‍, ഒരു കഥാപാത്രമായി മാറാന്‍ എടുക്കുന്ന തയ്യാറെടുപ്പുകള്‍ അംഗീകരിക്കാനുളള മനസ്സ് ചില മലയാളികൾക്ക് നഷ്ടമായെന്നും അദ്ദേഹം പറഞ്ഞു.

ഒടിയന്‍ മാണിക്യനായി മാറാൻ 18 കിലോയോളം ശരീരഭാരമാണ് ലാല്‍ കുറച്ചിരിക്കുന്നത്. പുതിയ ലുക്കിലുള്ള ഫോട്ടോകള്‍ സോഷ്യൽ മീഡിയയിൽ വലിയ തരംഗമായി മാറുകയും ചെയ്തിരുന്നു. ഇതിന് പിന്നാലെയാണ് താരത്തെ അപഹസിക്കുന്ന തരത്തിലുള്ള പോസ്റ്റുകൾ പ്രത്യക്ഷപ്പെട്ടത്.

സംവിധായകന്‍ എംഎ നിഷാദിന്റെ ഫെയ്സ്ബുക്ക് പോസ്റ്റ്