17വര്‍ഷത്തിന് ശേഷം താര സംഘടനയായ അമ്മയുടെ പ്രസിഡന്റ് സ്ഥാനത്ത് നിന്ന് നടനും എം.പിയുമായ ഇന്നസെന്റ് ഒഴിയുന്നു. തന്നെക്കാള്‍ യോഗ്യതയുള്ളവര്‍ സംഘടനയില്‍ തന്നെയുള്ളത് കൊണ്ടാണ് പ്രസിഡന്റ് സ്ഥാനം ഒഴിയുന്നതെന്ന് ഇന്നസെന്റ് പറഞ്ഞു. വരാനിരിക്കുന്ന തിരഞ്ഞെടുപ്പില്‍ താന്‍ മത്സരിക്കാനില്ലെന്നും അദ്ദേഹം കൂട്ടിച്ചേര്‍ത്തു.

നീണ്ട 17വര്‍ഷമായി അമ്മയുടെ പ്രസിഡന്റ് സ്ഥാനത്ത് തുടരുന്ന ഇന്നസെന്റ് നടി അക്രമിച്ച കേസുമായി ബന്ധപ്പെട്ട വിഷയത്തില്‍ അമ്മ പ്രസിഡന്റ് എന്ന നിലയില്‍ മൗനം പാലിച്ചത് വിവാദങ്ങള്‍ സൃഷ്ടിച്ചിരുന്നു. തുടര്‍ച്ചയായി നാല് തവണ ഇന്നസെന്റ് പ്രസിഡന്റ് സ്ഥാനത്തേക്ക് തിരഞ്ഞെടുക്കുപ്പെടുകയായിരുന്നു.

എന്നാല്‍ ഇന്നസെന്റിന് പകരക്കാരനെ കണ്ടെത്തുകയാണ് അമ്മ ഭാരവാഹികളുടെ മുന്നിലെ ഏറ്റവും വലിയ വെല്ലുവിളി. ഇന്നസെന്റിന്റെ അഭാവത്തില്‍ ഇടവേള ബാബുവാണ് സംഘടനയുടെ കാര്യങ്ങള്‍ കൈകാര്യം ചെയ്തിരുന്നത്. പരിചയ സമ്ബന്നത കൊണ്ട് ഇടവേള ബാബു തന്നെ പ്രസിഡന്റ് ആകുമെന്നാണ് സൂചന.