ഞാനൊരു സാധാരണക്കാരന്‍, അഭിനയമില്ലാത്ത ലോകത്ത് സന്തോഷവാനായിരിക്കും... 37 വര്‍ഷത്തെ അഭിനയ ജീവിതത്തെക്കുറിച്ച് മോഹന്‍ലാല്‍ പറയുന്നത് ഇങ്ങനെ
മലയാളികള്‍ എന്നെ രണ്ട് കൈനീട്ടിയും സ്വീകരിച്ചു.അതില്‍ എനിക്ക് അതിയായ സന്തോഷമുണ്ടെന്ന് നടന്‍ മോഹന്‍ലാല്‍ പറഞ്ഞു. 37 വര്‍ഷത്തെ അഭിനയ ജീവിതത്തെക്കുറിച്ച് സംസാരിക്കുകയായിരുന്നു മോഹന്‍ലാല്‍. ഓരോ സിനിമകളും സിനിമകളും പൂര്‍ത്തിയാക്കുമ്പോഴും പതത് ദിവസം അവധിയെടുക്കാന്‍ ആഗ്രഹിക്കാറുണ്ടെന്ന് അദ്ദേഹം പറയുന്നു.
ഫുട്‌ബോളില്‍ ഗോള്‍ പോസ്റ്റിലേക്ക് ബോള്‍ അടിച്ചു കയറ്റുന്നതല്ലാതെ അതില്‍ വേറെ പുതുമ കൊണ്ടു വരാന്‍ സാധിക്കില്ല. 37 വര്‍ഷമായി ഒരേ ആളാണ് അഭിനയിച്ചുകൊണ്ടിരിക്കുന്നത്. ജനങ്ങള്‍ക്കറിയാം ഒപ്പമെന്ന ചിത്രത്തിലെ ജയരാമനെ പോലെ അന്ധനോ, പുലിമുരുകനെ പോലെ അമാനുഷിക ശക്തിയുള്ള ആളോ അല്ല ഞാന്‍. എന്നിട്ടും ജനങ്ങള്‍ എന്റെ കഥാപാത്രത്തെ അംഗീകരിക്കുന്നു.
ജനങ്ങളുടെ ഈ അംഗീകാരമാണ് എനിക്ക് ലഭിക്കുന്ന ഏറ്റവും വലിയ പിന്തുണ. അതില്ലായിരുന്നുവെങ്കില്‍ ഞാന്‍ മറ്റെന്തെങ്കിലും ജോലി നോക്കി പോയേനെയെന്നും അദ്ദേഹം പറഞ്ഞു. രു സിനിമ പോലും ആരാധകരെ മാത്രം മനസ്സില്‍ കണ്ട് ചെയ്യാറില്ലെന്നും അത് എഴുത്തുകാരുടെയും സംവിധായകന്റെയും സ്വാതന്ത്രമാണെന്നും പറഞ്ഞ മോഹന്‍ലാല്‍ മീശപിരിയ്ക്കുന്നതും പോ മോനെ ദിനേശാ എന്ന് പറയുന്നതുമൊക്കെ ആരാധകര്‍ക്ക് വേണ്ടി ഉള്‍പ്പെടുത്താന്‍ ആരോടും പറയാറില്ലെന്നും കൂട്ടിച്ചേര്‍ത്തു.
ആരാധകര്‍ക്ക് വേണ്ടി സിനിമ ചെയ്യുന്നത് വിജയിക്കില്ല എന്നാണ് വിശ്വാസമെന്നും അദ്ദേഹം കൂട്ടിച്ചേര്‍ത്തു. എല്ലാത്തരം പ്രേക്ഷകര്‍ക്കുമുള്ളതാണ് സിനിമ. നമ്മള്‍ എല്ലാം ആരാധകര്‍ക്ക് വേണ്ടി മാത്രം ചെയ്യുകയാണെങ്കില്‍, അവര്‍ നമ്മളെ അല്ല നമ്മള്‍ അവരെ ആരാധിക്കുന്നു എന്നാണ് അര്‍ത്ഥമെന്നും മോഹന്‍ലാല്‍ പറയുന്നു .എല്ലാമൊരു നിമിത്തമായാണ് കാണാറുള്ളതെന്ന് ലാല്‍ പറയുന്നു.
https://www.facebook.com/Malayalivartha
