മമ്മൂട്ടിയുടെ സഹോദരിയുടെ മകളുടെ നിക്കാഹിന് എത്തിയ ദുല്ഖറും മകളും എല്ലാവര്ക്കും കൗതുകമായി
ദുല്ഖര് സല്മാനും ഭാര്യ അമാല് സൂഫിയും മകള് മറിയം അമീറാ സല്മാനും ഒത്തുള്ള പുതിയ ഫോട്ടോ ആരാധകര്ക്കിടയില് തരംഗമാകുന്നു. മമ്മൂട്ടിയുടെ സഹോദരിയുടെ മകളുടെ വിവാഹത്തിനെത്തിയതായിരുന്നു മൂവരും. മമ്മൂട്ടിയും ഭാര്യ സുല്ഫിത്തും ചടങ്ങില് പങ്കെടുത്തു. ഹിന്ദി ചിത്രത്തില് അഭിനയിക്കുന്ന ദുല്ഖര് കുറേനാളായി കേരളത്തിലില്ലായിരുന്നു. നോര്ത്തിന്ത്യന് മുസ്്ലിം കുടുംബത്തില് പെട്ട അമാല് മകള് ജനിച്ച ശേഷം ചെന്നൈയിലെ വീട്ടിലാണ്.
ചെന്നൈയില് നിന്ന് ഭാര്യയേയും മകളെയും കൂട്ടിയാണ് താരം കൊച്ചിയില് നടന്ന വിവാഹത്തിനെത്തിയത്. മൂന്ന് സഹോദരിമാരാണ് മമ്മൂട്ടിക്കുള്ളത്. രണ്ട് സഹോദരന്മാരും. താര കുടുംബത്തിലെ എല്ലാവരെയും നേരില് കാണാനും വിശേഷങ്ങള് പറയാനുമുള്ള അവസരമായതിനാല് മമ്മൂട്ടിയുടെ അകന്ന ബന്ധുക്കളും നാട്ടുകാരും ചടങ്ങില് പങ്കെടുത്തിരുന്നു. മാസങ്ങള്ക്ക് മുന്പ് മമ്മൂട്ടിയുടെ അനുജന്റെ മകനും നടനുമായ മക്ബൂല് സല്മാന്റെ വിവാഹത്തിനും താരകുടുംബം പങ്കെടുത്തിരുന്നു.
ബാംഗ്ലൂരില് നിന്ന് മമ്മൂട്ടിയുടെ മകള് സുറുമിയും കുടുംബവും ചടങ്ങിനെത്തിയിരുന്നു. ഷൂട്ടിംഗിന് ഇടവേള കിട്ടുമ്പോള് താരകുടുംബം സുറുമിയുടെ ബാംഗ്ലൂരിലെ വസതിയിലാണ് സാധാരണ ഒത്തുകൂടുന്നത്. ബാംഗ്ലൂരില് മദര് കെയര് എന്ന ആശുപത്രിയ സുറുമി നടത്തുന്നുണ്ട്. മമ്മൂട്ടിയുടെയും ദുല്ഖറിന്റെയും പങ്കാളിത്തത്തോടെയാണിത്.
.
https://www.facebook.com/Malayalivartha