മോനെ കണ്ണൊന്ന് തുറക്കെടാ... നെഞ്ച് തകർന്ന അച്ഛന്റെ ആ വിളിയിൽ ചെറുതായൊന്ന് കണ്ണുതുറന്നു ബാലഭാസ്കര്; ലക്ഷ്മിയുടെ ആരോഗ്യനിലയിലും പുരോഗതി
തിങ്കളാഴ്ചയാണ് തൃശ്ശൂരില് നിന്നും ക്ഷേത്ര ദര്ശനം കഴിഞ്ഞ് തിരുവനന്തപുരത്തേക്ക് മടങ്ങവെയാണ് ഇവര് സഞ്ചരിച്ച വാഹനം അപകടത്തില്പെട്ടത്. ഗുരുതരമായി പരിക്കേറ്റ് ആശുപത്രിയില് കഴിയുന്ന സംഗീതജ്ഞന് ബാലഭാസ്കറിന്റെ നേരിയ പുരോഗതി. ഇന്നലെ പിതാവ് എത്തിയപ്പോള് അദ്ദേഹം ചെറുതായി കണ്ണുതുറന്നിരുന്നു.
ആരോഗ്യനില സംബന്ധിച്ച് ഇന്നു മുതല് തുടര്ച്ചയായ ദിവസങ്ങളില് മെഡിക്കല് ബുള്ളറ്റിന് പുറത്തിറക്കാന് തീരുമാനിച്ചു. ബാലഭാസ്കര് ഇപ്പോഴും വെന്റിലേറ്ററിന്റെ സഹായത്താലാണ് ജീവന് പിടിച്ചുനിര്ത്തിയിരിക്കുന്നത്. ശരീരം മരുന്നുകളോട് പ്രതികരിക്കുന്നതായും അടുത്തവൃത്തങ്ങള് അറിയിച്ചു. ബാലഭാസ്കറിന്റെ ഭാര്യ ലക്ഷ്മിയുടെ ആരോഗ്യനിലയിലും പുരോഗതിയുണ്ട്. ലക്ഷ്മി അപകടനില തരണം ചെയ്തു. അപകടത്തില് മരിച്ച ബാലഭാസ്കറുടെ മകള് തേജസ്വിനി ബാലയുടെ മൃതദേഹം ഇന്നലെ സംസ്കരിച്ചു. ലക്ഷ്മിയുടെ തിരുവനന്തപുരത്തെ വീട്ടിലായിരുന്നു സംസ്കാര ചടങ്ങുകള്.
തേജസ്വിനിയുടെ മൃതദേഹം എംബാം ചെയ്ത് സൂക്ഷിക്കുകയായിരുന്നു. ബാല ഭാസ്കറിനേയും ലക്ഷ്മിയേയും കാണിച്ചതിനു ശേഷം സംസ്കരിക്കാനായിരുന്നു തീരുമാനമെങ്കിലും അത് പിന്നീട് മാറ്റുകയായിരുന്നു.
https://www.facebook.com/Malayalivartha
