വിജയ്യുടെ മകൻ അഭിനയ രംഗത്തേയ്ക്ക്; ജംഗ്ഷന് എന്ന ഹ്രസ്വ ചിത്രത്തിന്റെ ടീസര് സോഷ്യൽമീഡിയയിൽ തരംഗമാകുന്നു
സൂപ്പർതാരങ്ങളുടെ മക്കൾ അഭിനയരംഗത്തേക്ക് ചേക്കേറുന്ന കാലമാണിപ്പോൾ.മലയാളത്തിൽ മാത്രമല്ല തമിഴിലും തെലുങ്കിലും ഹിന്ദിയിലും ഈ തലമുറമാറ്റം പ്രകടമാണ്. വിക്രമിന്റെ മകൻ ധ്രുവിന്റെ സിനിമ അരങ്ങേറ്റം ആരാധകർ ആകാംഷയോടെ കാത്തിരിക്കുകയാണ്.എന്നാൽ അപ്രതീക്ഷിതമായി മറ്റൊരു താരപുത്രന്റെ രംഗപ്രവേശത്തിൽ അത്ഭുതപ്പെട്ടിരിക്കുകയാണ് തമിഴകം .മറ്റാരുമല്ല ദളപതി വിജയ്യുടെ മകൻ സഞ്ജയാണ് ആ താരപുത്രൻ
ഹ്രസ്വ ചിത്രത്തിലൂടെയാണ് അഭിനയരംഗത്തേക്ക് സഞ്ജയ് അരങ്ങേറുന്നത്. ജംഗ്ഷന് എന്ന ചിത്രത്തിന്റെ ടീസര് ഇതിനോടകം തന്നെ പ്രേക്ഷക ശ്രദ്ധ നേടിക്കഴിഞ്ഞു. 51 സെക്കന്റ് ദൈര്ഘ്യമുളള ടീസറാണ് സോഷ്യല് മീഡിയയില് പ്രചരിക്കുന്നത്. എന്നാല് വര്ഷങ്ങള്ക്ക് മുമ്ബ് അച്ഛനൊപ്പം കുട്ടി സഞ്ജയ് തന്റെ മുഖം പ്രേക്ഷകര്ക്ക് പരിചിതമാക്കിയിരുന്നു. വേട്ടെക്കാരന് സിനിമയില് 'നാന് അടിച്ച താങ്കമാട്ടേന്' എന്ന ഗാനരംഗത്തിലൂടെയാണ് ഈ മിടുക്കന് ക്യാമറയ്ക്ക് മുന്നില് എത്തിയത്.
അന്നുമുതല് സിനിമാ രംഗത്തേക്കുള്ള സഞ്ജയുടെ പ്രവേശനം ആരാധകര് കാത്തിരുന്നതാണ്. വിജയുടെ മകള് സാഷയും തെരി എന്ന സിനിമയില് അഭിനയിച്ചിരുന്നു. ജംങ്ഷന് ഷോര്ട് ഫിലിം സംവിധാനം ചെയ്തിരിക്കുന്നതും സഞ്ജയ് ആണെന്നാണ് സ്ഥിരീകരിക്കാത്ത റിപ്പോര്ട്ട്.
https://www.facebook.com/Malayalivartha