സിനിമാ മേഖലയിലെ ലൈംഗീകാതിക്രമത്തെ കുറിച്ച് പൂജാ ഭട്ട് പറയുന്നു......

സിനിമാ മേഖലയിലെ ലൈംഗീകാതിക്രമത്തെ കുറിച്ച് പൂജാ ഭട്ട് പറയുന്നു...

08 OCTOBER 2018 10:08 PM IST

മലയാളി വാര്‍ത്ത

77ാമത് എമ്മി അവാര്‍ഡ് പ്രഖ്യാപിച്ചു... 13 പുരസ്‌കാരങ്ങളുമായി സെത് റോഗന്റെ കോമഡി ടെലിവിഷന്‍ പരമ്പരയായ ദി സ്റ്റുഡിയോ വമ്പന്‍ നേട്ടം സ്വന്തമാക്കി

പുതിയ തുടക്കവുമായി ബേസില്‍ ജോസഫ്

ഇന്റര്‍നെറ്റില്‍ നിന്ന് വിട്ടുനില്‍ക്കുക എന്ന കടുത്ത തീരുമാനവുമായി ഐശ്വര്യ ലക്ഷ്മി

ഞാനേത് ഷേപ്പില്‍ വരുവെന്നറിയത്തില്ല: കൂട്ടിക്കല്‍ ജയചന്ദ്രന്റെ കുറിപ്പ്

സിനിമാ മേഖലയിലെ ലൈംഗികാതിക്രമണ പരാതികള്‍ പുറത്ത് വന്നുകൊണ്ടിരിക്കുകയാണ്. സിനിമാ മേഖലയിലെ ലൈംഗീകാതിക്രമണത്തെ കുറിച്ച് അഭിപ്രായപ്പെട്ട് രംഗത്തെത്തിയിരിക്കുകയാണ് നടി പൂജാഭട്ട്. ഒരാള്‍ പുരുഷനായതുകൊണ്ട് ഈ ലോകത്തെ എല്ലാ പുരുഷന്‍മാരും ലൈംഗിക അതിക്രമികള്‍ എന്നു പറയാന്‍ കഴിയില്ലെന്നും ഈ ലോകത്തെ എല്ലാ സ്ത്രീകളും ഇരകളാകണമെന്നും നിര്‍ബന്ധമില്ലെന്നും പൂജാഭട്ട് പറയുന്നു. ചില സമയങ്ങളില്‍ സ്ത്രീയും അപരാധിയാകാം. ഒരേ ബ്രഷുകൊണ്ട് എല്ലാവരെയും പെയിന്റു ചെയ്യുന്ന രീതി പക്ഷപാതപരമാണെന്നും പൂജ പറഞ്ഞു. സഹപ്രവര്‍ത്തകരായ സ്ത്രീകള്‍ക്ക് നേരെയുള്ള ലൈംഗിക ചൂഷണം ബോളിവുഡില്‍ മാത്രമുള്ളതല്ല. മാധ്യമ, രാഷ്ട്രീയ രംഗത്തും വിദ്യാഭ്യാസരംഗത്തും ഇത്തരത്തിലുള്ള ചൂഷണങ്ങള്‍ നടക്കുന്നുണ്ട് എന്നതാണ് യാഥാര്‍ഥ്യം. ചില സാഹചര്യങ്ങളില്‍ അധികാരത്തിനു വേണ്ടി സ്ത്രീകള്‍ അവരുടെ ലൈംഗികതയെ ഉപയോഗപ്പെടുത്താറുണ്ട്. അധികാരത്തിലിരിക്കുന്ന ഒരാളെ വിവാഹം കഴിക്കുന്നതും ലൈംഗിക താല്‍പര്യങ്ങളെ കൂടുതല്‍ പ്രശസ്തിക്കായി ഉപയോഗിക്കുന്നതും തമ്മില്‍ യാതൊരു വ്യത്യാസവുമില്ലെന്നും പൂജാ ഭട്ട് അഭിപ്രായപ്പെട്ടു. ചില കേസുകളില്‍ നിരപരാധികളായ പുരുഷന്‍മാരെ മാധ്യമങ്ങളും കോടതിയുമെല്ലാം വിചാരണ ചെയ്ത് സമൂഹത്തില്‍ അദ്ദേഹത്തിന്റെ പദവിയും കുടുംബ ജീവിതവുമെല്ലാം നശിപ്പിക്കുന്ന സാഹചര്യങ്ങളുമുണ്ടാകാറുണ്ടെന്നും പൂജാഭട്ട് പറഞ്ഞു.