ഗ്ലാമര്‍ വേഷങ്ങളിലൂടെ തിളങ്ങിയ താരസുന്ദരിയാണ് ഹന്‍സിക. ഹിന്ദിയിലൂടെയാണ് സിനിമയില്‍ എത്തിയതെങ്കിലും തെന്നിന്ത്യന്‍ സിനിമാ ലോകത്തായിരുന്നു നടി തിളങ്ങിയിരുന്നത്. സൂപ്പര്‍താര ചിത്രങ്ങളിലെല്ലാം നായികാ വേഷങ്ങളില്‍ നടി തിളങ്ങിയിരുന്നു. അഭിനയ പ്രാധാന്യമുളള വേഷങ്ങളേക്കാള്‍ കൂടുതല്‍ ഗ്ലാമര്‍ റോളുകളായിരുന്നു നടി തന്റെ കരിയറില്‍ ചെയ്തിരുന്നത്.

മോഹന്‍ലാല്‍ ചിത്രം വില്ലനിലൂടെ മലയാളത്തില്‍ എത്തിയ നടി മലയാളികള്‍ക്കും സുപരിചിതയാണ്. സിനിമയില്‍ തിളങ്ങിനിന്നിരുന്ന നടി അടുത്തിടെ വളരെക്കുറച്ച് ചിത്രങ്ങളില്‍ മാത്രമായിരുന്നു എത്തിയിരുന്നത്. പ്രഭുദേവയുടെ നായികയായുളള ഗുലാബേകാവലി ആയിരുന്നു നടിയുടെതായി ഒടുവില്‍ തിയ്യേറ്ററുകളിലെത്തിയിരുന്ന ചിത്രം. ഗ്ലാമര്‍ നായികയാകാന്‍ ഇനി താല്‍പര്യമില്ലാത്തതുകൊണ്ടാണ് സിനിമകള്‍ കുറച്ചതെന്ന് അടുത്തിടെ നടന്നൊരു അഭിമുഖത്തില്‍ നടി പറഞ്ഞിരുന്നു.

ഗ്ലാമര്‍ വേഷങ്ങള്‍ ചെയ്യാന്‍ ഇനി താല്‍പര്യമില്ലെന്നും അതുകൊണ്ടാണ് പല സിനിമകളും താന്‍ ഒഴിവാക്കിയതെന്നും നടി പറയുന്നു. കഴിഞ്ഞ പത്തുമാസങ്ങളിലായി 18 സിനിമകളുടെ കഥയാണ് കേട്ടത്. അതില്‍ നാലു സിനിമകള്‍ മാത്രമാണ് തന്നെ ആകര്‍ഷിച്ചത്.

നായകന്റെ പിന്നാലെ ആടിപ്പാടുന്ന വെറും നായികയാവാന്‍ ഇനിയില്ല. തുണി കുറച്ച് കിട്ടുന്ന അവസരങ്ങളോടും ഇനി താല്‍പര്യമില്ല. അതുകൊണ്ടാണ് അത്തരം ചിത്രങ്ങള്‍ വേണ്ടെന്ന കര്‍ശന നിലപാട് സ്വീകരിച്ചത്. ഹന്‍സിക പറയുന്നു.