ധനുഷിന്റെ നായിക റിച്ച ഗാനോപാധ്യായ വിവാഹിതയുകുന്നു. ധനുഷിന്റെ സൂപ്പര്‍ ഹിറ്റ് ചിത്രം മയക്കത്തിലൂടെയാണ് റിച്ച ശ്രദ്ധേയയാകുന്നത്. റാണാ ദഗ്ഗുബാട്ടി നായകനായ ലീഡര്‍ എന്ന ചിത്രത്തിലൂടെയാണ് റിച്ചയുടെ അരങ്ങേറ്റം.

വിവാഹിതയാകുന്നുവെന്ന വിവരം റിച്ച തന്നെയാണ് ആരാധകരെ അറിയിച്ചത്. അമേരിക്കന്‍ സ്വദേശിയായ ജോ ആണ് റിച്ചയുടെ വരന്‍. ബിസിനസ് സ്‌കൂളില്‍ പഠിക്കുന്ന സമയത്താണ് ജോയെ ആദ്യമായി കണ്ടതെന്നും പിന്നീട് പ്രണയം മൊട്ടിട്ടെന്നും റിച്ച പറയുന്നു.

ജീവിതത്തിന്റെ അടുത്ത ഘട്ടത്തിലേക്ക് പ്രവേശിക്കുകയാണെന്ന് റിച്ച പറയുന്നു. വിവാഹ തിയതി തീരുമാനിച്ചിട്ടില്ലെന്നും ഉടന്‍ ഉണ്ടാകുമെന്നും താരം പറഞ്ഞു.

മിസ് ഇന്ത്യ യു.എസ്.എ കിരീടം നേടിയതോടെയാണ് റിച്ച അഭിനയ രംഗത്ത് സജീവമാകുന്നത്. 2013 ല്‍ പുറത്തിറങ്ങിയ തെലുങ്കു ചിത്രം ഭായിയായിരുന്നു റിച്ചയുടെ അവസാന ചിത്രം.

ബാലഭാസ്‌കര്‍ ജീവനോടെ കണ്‍മുന്നില്‍ എത്തിയതുപോലെ, ഈ കലാകാരന്റെ വയലിന്‍ വായന വൈറലാകുന്നു