ഞാന് പഴഞ്ചനാണെന്നാണ് മക്കളുടെ തോന്നല്; അതുകൊണ്ടവര് എന്റെയടുത്ത് വരാറില്ല: ശ്രീനിവാസന്
ശ്രീനിവാസന് എന്ന നടനിലുപരി ശ്രീനിവാസന് എന്ന തിരക്കഥാകൃത്ത് മലയാള സിനിമയ്ക്ക് നല്കിയിരിക്കുന്ന സംഭാവനകള് മലയാള സിനിമയുടെ എക്കാലത്തെയും നാഴികക്കല്ലുകാണ്. അതിനോടൊപ്പം ശ്രീനിവാസന് കുടുംബത്തില് നിന്ന് മക്കളും അച്ഛന്റെ വഴിയേ ഹിറ്റ് സിനിമകളുമായി കഴിവ് തെളിയിച്ചു കഴിഞ്ഞു. എന്നാല് അച്ഛന്റെ തിരക്കഥയില് മക്കള് സിനിമയൊരുക്കിയിട്ടില്ല. ഇതേക്കുറിച്ച് ചോദിച്ചപ്പോള് ശ്രീനിവാസന്റെ മറുപടി രസകരമാണ്. അവര് ഇതുവരെ വിളിച്ചിട്ടില്ലെന്നും താന് പഴഞ്ചനാണെന്ന് അവര്ക്ക് തോന്നിയതു കൊണ്ടാകാമെന്നും ശ്രീനിവാസന് ഒരു ദേശീയമാധ്യമത്തിനു നല്കിയ അഭിമുഖത്തില് പറഞ്ഞു.
സിനിമയുടെ ഉദ്ദേശ്യം വിനോദമാണ്. ബുദ്ധിജീവികള് എന്നു വിളിക്കുന്ന ഒരുകൂട്ടം ആളുകളാണ് അതിന് മറ്റ് അര്ത്ഥങ്ങള് നല്കിയത്. സിനിമ എന്ന മാധ്യമം കണ്ടുപിടിച്ചവരുടെ ലക്ഷ്യം ആളുകളെ രസിപ്പിക്കുകയാണെന്നും ശ്രീനിവാസന് പറയുന്നു.
സിനിമയില് പ്രേക്ഷകര് ആഗ്രഹിക്കുന്നത് പുതുമയാണ്. ഹാസ്യം എഴുതുമ്പോള് ആവര്ത്തനമുണ്ടാകാതെ സൂക്ഷിക്കണം. ആളുകളെ ചിരിപ്പിക്കുന്ന അംശങ്ങള് കണ്ടെത്താണ് അന്വേഷണം. ഞാന് പ്രകാശനില് ആക്ഷേപഹാസ്യമാണ് ഉപയോഗിച്ചത്. സിനിമയില് ഹാസ്യകഥാപാത്രങ്ങളെ അവതരിപ്പിക്കാന് ഇഷ്ടമാണ്. എന്റെ കഥാപാത്രങ്ങളെ അതിനനുസരിച്ചാണ് രൂപപ്പെടുത്താറുള്ളതും. പക്ഷേ, ഹാസ്യകഥാപാത്രങ്ങളെ അവതരിപ്പിക്കാന് മറ്റുള്ളവര് എന്നെ അധികം സമീപിച്ചിട്ടില്ലെന്നും ശ്രീനിവാസന് പറയുന്നു.
എനിക്ക് വലിയ തിയറികള് അറിയില്ല. എന്റേതായ രീതിയിലാണ് കാര്യങ്ങള് പറയുക. വലിയ രാഷ്ട്രീയബോധമുള്ള സമൂഹത്തിലാണ് നാം ജീവിക്കുന്നത്. എന്നിട്ടും ഇപ്പോഴും രാഷ്ട്രീയത്തെക്കുറിച്ച് എനിക്കു പിടികിട്ടാത്ത ഒട്ടേറെ കാര്യങ്ങളുണ്ട്. എനിക്കു മനസിലാകാത്ത കാര്യങ്ങളാണ് സന്ദേശം എന്ന സിനിമയില് പറഞ്ഞതെന്നും ശ്രീനിവാസന് പറഞ്ഞു.
https://www.facebook.com/Malayalivartha
