പ്രിയാ വാര്യര്‍ നായികയാകുന്ന ശ്രീദേവി ബംഗ്ലാവ് തുടക്കം മുതല്‍ വിവാദങ്ങളില്‍പ്പെട്ടിരിക്കുകയാണ് അന്തരിച്ച നടി ശ്രീദേവിയുടെ മരണത്തെ ആസ്പദമാക്കിയൊരുക്കുന്ന ചിത്രമാണിതെന്നാണ് തുടക്കം മുതലുള്ള അഭ്യൂഹം.

ശ്രീദേവി ബംഗ്ലാവിനെക്കുറിച്ച് ശ്രീദേവിയുടെ മകളും നടിയുമായ ജാന്‍വി കപൂറിന്റെ പ്രതികരണമാണ് ഇപ്പോള്‍ വാര്‍ത്തകളിലിടം പിടിക്കുന്നത്. ഒരു പുരസ്‌കാര ചടങ്ങില്‍ പങ്കെടുക്കാന്‍ എത്തിയ ജാന്‍വിയോട് ഏതാനും മാധ്യമ പ്രവര്‍ത്തകര്‍ ഇതെക്കുറിച്ച് ആരാഞ്ഞു. എന്നാല്‍ ചോദ്യം മനസ്സിലാകാതിരുന്ന ജാന്‍വി അല്‍പ്പനേരം പകച്ചു നിന്നു. ഇതിനിടെ ജാന്‍വിയുടെ മാനേജര്‍ വല്ലാതെ ബഹളം വച്ചു. ജാന്‍വിയോട് വേദി വിട്ട് പോകണമെന്നും അവര്‍ ചിത്രം പുറത്തിറങ്ങാന്‍ സമ്മതിക്കില്ലെന്ന നിലപാടിലാണ് ശ്രീദേവിയുടെ ഭര്‍ത്താവ് ബോണി കപൂര്‍. മലയാളിയായ പ്രശാന്ത് മാമ്പുള്ളി സംവിധാനം ചെയ്യുന്ന ശ്രീദേവി ബംഗ്ലാവിനെതിരേ ബോണി കപൂര്‍ നേരത്തേ രംഗത്ത് വന്നിരുന്നു. ചിത്രത്തിന്റെ അണിയറ പ്രവര്‍ത്തകര്‍ക്ക് അദ്ദേഹം വക്കീല്‍ നോട്ടീസ് അയച്ചിരുന്നു.

എന്നാല്‍ ശ്രീദേവി എന്നത് ഒരു പേര് മാത്രമാണെന്നും അത് മാറ്റാന്‍ സാധിക്കില്ലെന്നുമാണ് പ്രശാന്ത് മാമ്പുള്ളിയുടെ പ്രതികരണം. ഈ ചിത്രം ഒരു സസ്‌പെന്‍സ് ത്രില്ലറാണെന്നും ശ്രീദേവിയുടെ കഥയാണോ അല്ലയോ എന്ന് ജനങ്ങള്‍ തീരുമാനിക്കട്ടെയെന്നും അദ്ദേഹം അഭിമുഖത്തില്‍ പറഞ്ഞു. ഇതെല്ലാം വിശദീകരിച്ച് ബോണി കപൂറിന് മറുപടി അയച്ചുവെന്നും അദ്ദേഹം പ്രതികരിച്ചില്ല എന്നും പ്രശാന്ത് മാമ്പുള്ളി കൂട്ടിച്ചേര്‍ത്തു.