ഇൻസ്റ്റാഗ്രാമിൽ അശ്ലീല ചോദ്യവുമായി വന്ന ആരാധകന് കിടിലം മറുപടിയുമായി നമിത പ്രമോദ്.  നിന്റെ വാഷ് ചെയ്യാത്ത ടീ ഷർട്ട് തരുമോയെന്നായിരുന്നു ആരാധകന്റെ ചോദ്യം. ഉടൻ തന്നെ നമിത മറുപടിയുമായി എത്തി. ഞാൻ ഇത് തീർച്ചയായും സ്റ്റാറ്റസ് ആയിട്ട് ഇടാൻ പോവുകയാണ്. അങ്ങനെ എല്ലാ സ്‌ത്രീകളും അവരുടെ അലക്കാത്ത വസ്ത്രങ്ങൾ താങ്കൾക്ക് നൽകുന്നതായിരിക്കും.യാതൊരു ചിലവുമില്ലാതെ ഇതുപോലൊരു ക്ലീൻ ഇന്ത്യ ചലഞ്ചിന് മുൻകൈ എടുത്ത താങ്കൾക്ക് ഒരായിരം നന്ദി. നിങ്ങളുടെ പ്രവർത്തനം അഭിനന്ദനം അർഹിക്കുന്നു. എനിക്ക് താങ്കളുടെ അഡ്രസ്സ് ദയവായി അയച്ചു തരിക.”

നിമിഷങ്ങൾക്കകം തന്നെ നമിതയുടെ കമന്റ് സോഷ്യൽ മീഡിയയിൽ വൈറലായി. വാഷ് ചെയ്യാത്ത നിരവധി ഷർട്ടുകൾ സ്ത്രീകൾ അയാളുടെ വിലാസത്തിൽ അയച്ചു കൊടുക്കുകയാണ് വേണ്ടതെന്ന നിരവധി കമന്റുകളും പ്രചരിച്ചു. നമിതയെ അഭിനന്ദിച്ച് നിരവധി പേർ രംഗത്തു വരികയും ചെയ്തു.

സോഷ്യൽ മീഡിയയിൽ നടിമാരുടെ ഫെയ്സ്ബുക്ക് പേജിലും മറ്റും അശ്ലീല കമന്റുകൾ പോസ്റ്റ് ചെയ്യുന്നതും അസഭ്യം പറയുന്നതുമെല്ലാം നിത്യസംഭവങ്ങളാണ്. ഒരു രാത്രിക്കു വില പറഞ്ഞു കമന്റിട്ട യുവാക്കൾക്ക് മറുപടിയുമായി ഗായത്രി അരുണും നേഹ സക്സേനയും രംഗത്ത് വന്നത് ഈ അടുത്തിടെയായിരുന്നു. പക്ഷെ കുറിക്ക് കൊള്ളുന്ന മറുപടി തന്നെയായിരുന്നു താരനഗലും തിരികെ നൽകിയത്.