ചെറുപ്പകാലത്ത് നിരവധി സ്ത്രീകളുടെ കൂടെ താൻ അന്തിയുറങ്ങിയിട്ടുണ്ട്, അതിൽ പലരുടെയും പേര് പോലും തനിക്ക് അറിയില്ലായിരുന്നു; ആക്ഷൻ രംഗങ്ങൾ കൊണ്ട് ആരാധകരെ ത്രസിപ്പിച്ച അഭിനയ പ്രതിഭയുടെ വെളിപ്പെടുത്തലുകൾ വിവാദമാകുന്നു
ഹോളിവുഡ് ആക്ഷൻ കോമഡി ചലച്ചിത്ര അഭിനേതാവും സംവിധായകനുമായ ജാക്കി ചാൻ തന്റേതായ മികവുകൾ കൊണ്ട് ആരാധകർക്കിടയിൽ കയ്യൊപ്പ് പതിപ്പിച്ച പ്രതിഭയാണ്. തനതായ ആക്ഷൻ രംഗങ്ങൾ കൊണ്ട് നിറഞ്ഞ ജാക്കി ചാൻ സിനിമകൾക്ക് മലയാളികളുൾപ്പടെ ലോകമെങ്ങും നിരവധി ആരാധകരുണ്ട്. എന്നാൽ അടുത്തിടെ പുറത്തിറങ്ങിയ 'നെവർ ഗ്രോ അപ്' എന്ന ആത്മകഥ താരത്തെ വെട്ടിലാക്കിയിരിക്കുകയാണ്. ജാക്കിച്ചാന്റെ ആത്മകഥയിലെ വെളിപ്പെടുത്തലുകൾ ആരാധകർ ഏറ്റെടുത്തതോടെ സമൂഹ മാധ്യമങ്ങളിലടക്കം സംഭവം ചർച്ചയാവുകയാണ്.
തന്റെ സ്കൂൾ പഠനകാലത്തെക്കുറിച്ചാണ് താരത്തിന് ഏറ്റവും കൂടുതൽ നിരാശയുള്ളത്. സ്കൂൾ കാലത്ത് നല്ലത് പോലെ പഠിച്ചിരുന്നുവെങ്കിൽ ഇന്ന് ജീവിതം കുറച്ച് കൂടി നല്ലതാകുമായിരുന്നുവെന്ന് താരം പറയുന്നു. ഒരുപാട് തെറ്റുകൾ ചെയ്യുന്നതിൽ നിന്നും മാറി നിൽക്കാനും കഴിയുമായിരുന്നു. ചെറുപ്പകാലത്ത് നിരവധി സ്ത്രീകളുടെ കൂടെ താൻ അന്തിയുറങ്ങിയിട്ടുണ്ടെന്നും അതിൽ പലരുടെയും പേര് പോലും തനിക്ക് അറിയില്ലായിരുന്നുവെന്നും താരം പറഞ്ഞത് ഏറെ വിവാദങ്ങൾക്കും കാരണമായിട്ടുണ്ട്.
തന്റെ കുടുംബത്തെയും പിതാവിനെയും വഞ്ചിക്കുകയാണ് ചെയ്തത്. തെറ്റുകൾ മനുഷ്യ സഹജമാണ് അത് ഏറ്റ് പറഞ്ഞ് തിരുത്തുന്നതിലാണ് കാര്യം. തന്റെ കഥ കേട്ടതിന് ശേഷം മറ്റാർക്കും ഇങ്ങനെ ചെയ്യാൻ തോന്നരുതെന്നും ജാക്കി പറയുന്നു. എന്നാൽ തന്റെ തെറ്റുകൾ പൊറുത്ത് നേർവഴിയിലേക്ക് നയിച്ചത് ഭാര്യയാണെന്നും ജാക്കി ചാൻ കൂട്ടിച്ചേർത്തു. 2015ൽ ചൈനീസ് ഭാഷയിലാണ് ജാക്കി ചാന്റെ ആത്മകഥ പുറത്തിറങ്ങിയത്. എന്നാൽ അടുത്തിടെ ഇതിന്റെ ഇംഗ്ലീഷ് പരിഭാഷ കൂടി പുറത്തിറങ്ങിയതോടെയാണ് വിവാദങ്ങൾക്ക് ആരംഭം കുറിച്ചത്.
https://www.facebook.com/Malayalivartha