തിന ആന്ഡ് ലോലോയില് സണ്ണി ലിയോണും കരിഷ്മയും ഒന്നിക്കുന്നു
പോണ് താരവും ബോളിവുഡ് നടിയുമായ സണ്ണി ലിയോണും ടി വി താരം കരിഷ്മ തന്നയും ഒരുമിക്കുന്ന പുതിയ ചിത്രമാണ് തിന ആന്ഡ് ലോലോ. ദേവാംഗ് ധിലോകിയയുടെ ചിത്രത്തിന്റെ ഷൂട്ടിംഗ് ആരംഭിച്ചു കഴിഞ്ഞു.
സണ്ണി ലിയോണ് അഭിനയിക്കുന്ന മറ്റൊരു ബോളിവുഡ് ചിത്രമാണ് രാഗിണി എം എം എസ്. ഏറെ പ്രതീക്ഷയോടെ സണ്ണി ലിയോണ് കാത്തിരിക്കുന്ന പ്രൊജക്ടാണ് ജാക്പോട്ട്. ജാക്പോട്ടില് ഡബ്ബ് ചെയ്യുന്നതിനായി താരം ഹിന്ദി പഠിക്കാനും തുടങ്ങിയതായാണ് ബോളിവുഡ് വാര്ത്തകള്.
ശരീരപ്രദര്ശനം മാത്രമല്ല അഭിനയവും തനിക്ക് വഴങ്ങും എന്ന് തെളിയിക്കാനുള്ള ശ്രമത്തിലാണ് സണ്ണി ലിയോണ്. സണ്ണി ലിയോണും കരിഷ്മയും ഒരുമിച്ചുള്ള സീനുകളാണ് ഇപ്പോള് ചിത്രീകരിക്കുന്നത്. ജിസം രണ്ടില് ഐറ്റം ഗേളായാണ് സണ്ണി ലിയോണ് ബോളിവുഡില് അരങ്ങേറ്റം കുറിച്ചത്. ഓണ്ലൈന് സെര്ച്ചില് കത്രീന കൈഫിനെയും കടത്തിവെട്ടിയ സെലിബ്രിറ്റിയായിരിക്കുകയാണ് താരം.
ടി വി താരവും തീയറ്റര് നടിയുമാണ് കരിഷ്മ തന്ന. കോയീ ദില് മേ ഹേയാണ് കരിഷ്മയെ പ്രശസ്തയാക്കിയ സീരിയല്.നിര്മ, ലൈഫ്ബോയ് തുടങ്ങിയവയുടെ പരസ്യത്തിലൂടെയും കരിഷ്മ ജനപ്രിയയാണ്. ആറോളം ബോളിവുഡ് ചിത്രങ്ങളിലും കരിഷ്മ അഭിനയിച്ചു.
https://www.facebook.com/Malayalivartha
