അമ്മയും അച്ഛനും കാണുന്നുണ്ടല്ലോ.. പിഎസ്‌സി എഴുതി നടന്നിരുന്നേല്‍ സ്റ്റേറ്റ് അവാര്‍ഡ് വീട്ടില്‍ വരുമായിരുന്നോ?, ഈ ചോദ്യം ചോദിക്കുന്നത് ഒരു ചേട്ടനാണ്. സംസ്ഥാന ചലച്ചിത്ര പുരസ്‌ക്കാരങ്ങള്‍ പ്രഖ്യാപിച്ചപ്പോള്‍ സ്വന്തം അനിയന് പുരസ്‌ക്കാരം ലഭിച്ചതിനെ തുടര്‍ന്ന് ഒരു ചേട്ടന്‍ ഫേസ്ബുക്കില്‍ കുറിച്ചതാണിത്. ഈ പോസ്റ്റ് ശ്രദ്ധേയമായി കഴിഞ്ഞു.

മികച്ച എഡിറ്ററായി ഇത്തവണ ജൂറി തെരഞ്ഞെടുത്തത് അരവിന്ദ് മന്‍മഥനെയാണ്. ശ്യാമപ്രസാദ് സംവിധാനം ചെയ്ത ഒരു ഞായറാഴ്ച എന്ന ചിത്രത്തിലെ എഡിറ്റിംഗിനാണ് പുരസ്‌ക്കാരം ലഭിച്ചത്. അരവിന്ദ് മന്‍മഥന് പുരസ്‌ക്കാരം ലഭിച്ചപ്പോള്‍ സഹോദരന്‍ ആനന്ദ് മന്‍മഥന്‍ ഫേസ്ബുക്കില്‍ കുറിച്ച വരികളാണ് ശ്രദ്ധേയമായത്. 

ഫേസ്ബുക്ക് പോസ്റ്റ് ഇങ്ങനെ...

ഒരു വലിയ സന്തോഷം...
എന്റെ അനിയൻ Aravind Manmadhan ഒരു സ്റ്റേറ്റ് അവാർഡ് ജേതാവായി.
Kerala state award for the Best editor 2018 - Aravind Manmadhan ❤
ശ്യാമപ്രസാദിന്റെ 'ഒരു ഞായറാഴ്‌ച' എന്ന സിനിമയ്ക്കാണ് അവാർഡ്.. ആദ്യ സിനിമയ്ക്ക് അവാർഡ്.
സന്തോഷം കൊണ്ട് കണ്ണ് നിറയുന്നു...
അമ്മയും അച്ഛനും കാണുന്നുണ്ടല്ലോ.. psc എഴുതി നടന്നിരുന്നേൽ സ്റ്റേറ്റ് അവാർഡ് വീട്ടിൽ വരുമായിരുന്നോ ? ☺