ആലപ്പുഴ എസ്.എല്‍ പുരത്ത് നടന്‍ സുധീറും സംഘവും യുവാക്കളെ കയ്യേറ്റം ചെയ്‌ത ദൃശ്യങ്ങൾ പുറത്തുവന്നതിന് പിന്നാലെ വെളിപ്പെടുത്തലുമായി നടൻ സുധീർ സുകുമാരൻ. നാട്ടുകാരുമായി തല്ലുണ്ടാക്കിയത് അനിയനെ തല്ലിച്ചതച്ചത് കണ്ടിട്ടാണെന്ന് താരം പറയുന്നു. സ്വന്തം സഹോദരനെ കാരണമില്ലാതെ തല്ലി ചതക്കുന്നതുകണ്ടപ്പോള്‍ ഏതൊരാളും ചെയ്യുന്നതേ താനും ചെയ്തുള്ളുവെന്ന് സുധീര്‍ പറയുന്നു. താന്‍ ഇതുവരെ മദ്യപിച്ചിട്ടില്ലെന്നും മദ്യപിക്കുന്നയാളല്ല താനെന്നും മാധ്യമങ്ങളില്‍ വരുന്ന വാര്‍ത്തകളില്‍ സത്യമില്ലെന്നും സുധീര്‍ പറയുന്നു. കഴിഞ്ഞ ഒന്നരവര്‍ഷമായി മദ്യപാനം പൂര്‍ണ്ണമായും ഉപേക്ഷിച്ചു. എന്ന കണ്ടാല്‍ കള്ളുകുടിയനാണെന്ന് തോന്നും, പക്ഷേ ഞാന്‍ മദ്യപിക്കാറില്ല.

'എന്റെ അനിയനേയും കൂട്ടുകാരനേയും തല്ലുന്നത് കണ്ടുകൊണ്ടാണ് അതുവരെ കാറില്‍ ഇരുന്ന ഞാന്‍ പുറത്തേക്ക് വന്നതും ബഹളം കൂടിയതും. കൂടെപിറപ്പ് തല്ലുകൊള്ളുന്നത് കണ്ട്, ഒരു നടനാണ്, തല്ലുകൂടിയാല്‍ മാനംപോകുമെന്ന് പറഞ്ഞ് നോക്കി നില്‍ക്കാന്‍ ഞാന്‍ അത്ര ചീപ്പല്ല. എന്റെ അനിയനെയും കൂട്ടുകാരെയും രക്ഷിക്കാനാണ് ഓടിവന്നത്. അവര്‍ എന്നെ തിരിച്ചുതല്ലിയപ്പോള്‍ സ്വയരക്ഷക്ക് വേണ്ടിയാണ് ഞാനും തല്ലിയത്.' - സുധീര്‍ പറയുന്നു.