വിവാഹം നമ്മുടെ ആഗ്രഹങ്ങള്ക്ക് തടസ്സമല്ല... എന്റെ കാര്യങ്ങള് തീരുമാനിക്കുന്നത് ഞാനാണ്; ആര്യയുമായുള്ള വിവാഹത്തിന് ശേഷം അഭിനയം തുടരുമോ എന്ന ചോദ്യത്തിന് കിടിലൻ മറുപടിയുമായി സയേഷ
ആര്യയുമായുള്ള വിവാഹത്തിന് ശേഷം അഭിനയം തുടരുമോ എന്ന ചോദ്യത്തിന് കിടിലൻ മറുപടിയുമായി എത്തിയിരിക്കുകയാണ് സയേഷ. മാര്ച്ച് പത്തിനായിരുന്നു നടന് ആര്യയും സയേഷയും തമ്മിലുള്ള വിവാഹം നടന്നത്. ഹൈദരാബാദില് വെച്ചായിരുന്നു ഇവരുടെ വിവാഹം. ഗജനികാന്ത് എന്ന ചിത്രത്തിലാണ് ആര്യയും സയേഷയും ആദ്യമായി ഒരുമിച്ച് അഭിനയിച്ചത്. സൂര്യ-മോഹന്ലാല് കൂട്ട്കെട്ടിലെത്തുന്ന കാപ്പാനിലും ഇവര് വേഷമിടുന്നു. ഇതിന് ശേഷം രണ്ട് തെലുങ്കു ചിത്രങ്ങളിലും അഭിനയിക്കാന് സയേഷ കരാറില് ഒപ്പ് വെച്ചിട്ടുണ്ടെന്നാണ് റിപ്പോര്ട്ടുകള്.
അതേസമയം ആര്യയുമായുള്ള വിവാഹത്തിന് ശേഷം അഭിനയം തുടരുമോ എന്ന ചോദ്യത്തിന് കിടിലൻ മറുപടിയായിരുന്നു താരത്തിന്റേത്. 'എന്റെ കാര്യങ്ങള് തീരുമാനിക്കുന്നത് ഞാനാണ്. അഭിനയിക്കണോ വേണ്ടയോ എന്ന് തീരുമാനിക്കുന്നത് ഞാനാണ്. വിവാഹ ശേഷവും സിനിമയില് തുടരാനാണ് എന്റെ തീരുമാനം. ജ്യോതിക, സാമന്ത തുടങ്ങിയവരാണ് എനിക്ക് പ്രചോദനം നല്കുന്നത്. വിവാഹം നമ്മുടെ ആഗ്രഹങ്ങള്ക്ക് തടസ്സമല്ല. ആര്യയുടെ ശക്തമായ പിന്തുണയും എനിക്കുണ്ട്' സയേഷ പറഞ്ഞു.
https://www.facebook.com/Malayalivartha