അര്‍ച്ചന കവിയുടെ പുതിയ ഫോട്ടോഷൂട്ട് വീഡിയോ വൈറലാകുന്നു. ഏറെ വ്യത്യസ്തമായി തിരക്കേറിയ ട്രാഫിക്കുള്ള തോപ്പുംപടി പാലമാണ് അര്‍ച്ചന തന്റെ പുതിയ ഫോട്ടോഷൂട്ടിനായി തിരഞ്ഞെടുത്തത്. ഇതിന്റെ ചിത്രങ്ങളും വീഡിയോയും അര്‍ച്ചന തന്നെയാണ് സോഷ്യല്‍ മീഡിയയിലൂടെ പങ്കുവച്ചത്. വാഹനങ്ങള്‍ നിര നിരയായി പോകുന്ന നടുറോഡില്‍ നല്ല സ്‌റ്റൈലായി പോസ് ചെയ്യുന്ന അര്‍ച്ചനയെയും പുറകില്‍ വന്നു നില്‍ക്കുന്ന കാറുകളും വീഡിയോയില്‍ കാണാം.

അതേ സമയം അർച്ചനയുടെ ഫോട്ടോ ഷൂട്ടിനെതിരെ രൂക്ഷ വിമര്‍ശനമാണ് ഉയര്‍ന്നിരിക്കുന്നത്. അര്‍ച്ചന ഫോട്ടോയ്ക്ക് പോസ് ചെയ്യുമ്ബോള്‍ പുറകില്‍ വാഹനങ്ങള്‍ വരിവരിയായി വരുന്നുണ്ട്. ഇതൊന്നും മൈന്റ് ചെയ്യാതെ ക്യാമറയ്ക്ക് മുന്നില്‍ പോസ് ചെയ്യുന്നത്. നടുറോഡിലുളള ഫോട്ടോ ഷൂട്ട് താരം തന്റെ ഇന്‍സ്റ്റഗ്രാം പോജില്‍ പങ്കുവെച്ചിട്ടുണ്ട് രക്ഷ വിമര്‍ശനമാണ് താരത്തിനെതിരെ ഉയരുന്നത്.

വിമര്‍ശനം കടുത്തപ്പോള്‍ താരം ഈ വീഡിയോ ഇന്‍സ്റ്റഗ്രാമില്‍ നിന്ന് ഡിലീറ്റ് ചെയ്തു. നേരത്തെ ഇതേ പാലത്തിനു മുന്നില്‍ നിന്നുളള ചിത്രം അര്‍ച്ചന പോസ്റ്റ് ചെയ്തിരുന്നു. അര്‍ച്ചന, പുറകില്‍ കാര്‍ വരുന്നു, മാറി നില്‍ക്ക്, ഞാന്‍-ഇനിയും ചിരിക്കണോ? ഓക്കെ എന്നിങ്ങനെ അടിക്കുറിപ്പോടെയായിരുന്നു ചിത്രം പങ്കുവെച്ചത്.

ലാല്‍ ജോസ് ചിത്രമായ നീലത്താമരയിലൂടെയാണ് അര്‍ച്ചന വെള്ളിത്തിരയില്‍ എത്തിയത്. നടി എന്നതിലുപരി വ്ളോഗര്‍ കൂടിയാണ് താരം. വിവാഹത്തിനു മുന്‍പ് വരെ സിനിമയില്‍ സജീവമായിരുന്ന അര്‍ച്ചന വിവാഹ ശേഷം വെള്ളിത്തിരയില്‍ പ്രത്യക്ഷപ്പെട്ടിട്ടില്ല. വ്ലോഗിലൂടെ പ്രേക്ഷകരുമായി നിരന്തരം സംവാദിക്കാറുണ്ട്.