ബോളിവുഡ് സൂപ്പര്‍ താരം ആമിര്‍ ഖാന്റെ മകള്‍ ഐറയുടെ പിന്നാലെയാണ് ബോളിവുഡ് പാപ്പരാസികള്‍ ഇപ്പോള്‍.ഐറയും കാമുകനും ഒന്നിച്ചുള്ള ചിത്രങ്ങള്‍ പുറത്ത് വന്നതോടെയാണ് വിവാദം തുടങ്ങിയത്. ആമീര്‍ ഖാനും ആദ്യ ഭാര്യ റീന ദത്തയിലുമുള്ള മകളാണ് ഐറ.

ഗായകനും സംഗീത സംവിധായകനുമായ മിഷാലിനൊപ്പമുള്ള ഐറയുടെ ചിത്രങ്ങളാണ് സോഷ്യല്‍മീഡിയയില്‍ വൈറലായത്. തുടര്‍ന്ന് ഇവരുടെ ബന്ധം കണ്ടു പിടിക്കാനായിരുന്നു പാപ്പരാസികളുടെ തിരക്ക്. മാത്രമല്ല ഇവര്‍ക്ക് നേരെ വിമര്‍ശനവും ഉയരുന്നുണ്ട്. മിഷാലിന്റെ മ്യൂസിക് വീഡിയോകളില്‍ മദ്യവും മയക്ക് മരുന്നു ലൈംഗികതയും നിറയുന്നതാണെന്നാണ് പ്രധാന വിമര്‍ശനം. ഇത്തരം വീഡിയോ യുവാക്കളെ വഴിതെറ്റിക്കുന്നുവെന്നാണ് വിമര്‍ശകര്‍ ചൂണ്ടികാണിക്കുന്നത്.