തെന്നിന്ത്യൻ താരം ഖുശ്ബുവിനെ തിരക്കിനിടെ കയറിപ്പിടിച്ച യുവാവിന്റെ കരണത്തടിച്ച് താരം. ഖുശ്ബു പ്രചാരണത്തിനെത്തിയപ്പോഴാണ് സംഭവം നടന്നത്. ആൾക്കൂട്ടത്തിന് ഇടയിലൂടെ കടന്നുപോകുമ്പോഴാണ് മോശം പെരുമാറ്റം ഉണ്ടായത്. ആരാധകരെയും പ്രവർത്തകരെയും കൈവീശി കാണിച്ച് താരം മടങ്ങുമ്പോൾ തിരക്കിനിടയിൽ നിന്ന് ഒരാൾ ശരീരത്തിൽ സ്പർശിക്കുകയായിരുന്നു. ഉടൻ തന്നെ ഖുശ്ബു തിരിഞ്ഞുവന്ന് അയാളുടെ മുഖത്ത് ആഞ്ഞ് അടിക്കുകയും ചെയ്തു. ഈ വീഡിയോ ഇപ്പോൾ സമൂഹമാധ്യമങ്ങളിലും വൈറലാവുകയാണ്.

ശാന്തിനഗര്‍ എം.എല്‍.എ എന്‍.എ ഹാരിസ്, ബെംഗളുരു സെന്‍ട്രലിലെ സ്ഥാനാര്‍ത്ഥി റിസ്‌വാന്‍ അര്‍ഷദ് എന്നിവര്‍ക്കൊപ്പം നടന്നുവരുമ്പോഴാണ് ഖുശ്ബുവിനെ മോശമായി സ്പർശിച്ചത് . പിന്നിലൂടെ വന്നയാള്‍ രണ്ട് തവണ തന്‍റെ ശരീരത്തില്‍ സ്പര്‍ശിച്ചുവെന്ന് ഖുശ്ബു പറയുന്നു. മുഖത്ത് അടികിട്ടിയതോടെ ഇയാൾ പിന്നിലേക്ക് ഒാടി മാറി.