പ്രമുഖ ചാനലിലെ ജനപ്രിയ സീരിയലില് 'അമ്മ' വേഷം ചെയ്യുന്ന 61കാരിയായ നടിയെ 37കാരന് പരിചയപ്പെട്ടത് ഫോണിലൂടെ... പിന്നെ നിരന്തരം വിളിച്ച് അടുത്ത് കൂടി വശീകരിച്ചു; പീഡനത്തിനിടയിൽ സമ്മതമില്ലാതെ ദൃശ്യങ്ങൾ പകർത്തി; ഭര്ത്താവിനും അയല്വാസികള്ക്കും അയച്ചു കൊടുത്തതോടെ കളി കാര്യമായി; വിദേശത്തുള്ള പ്രതിയെ പിടിക്കാൻ തന്ത്രങ്ങൾ ഒരുക്കി അന്വേഷണ സംഘം
പ്രമുഖ ചാനലിലെ ജനപ്രിയ സീരിയലില് 'അമ്മ' വേഷം ചെയ്യുന്ന 61കാരിയായ നടിയാണ് തന്നെ ലൈംഗികമായി പീഡിപ്പിക്കുകയും ദൃശ്യങ്ങള് മൊബൈലില് പകര്ത്തി സമൂഹമാധ്യമങ്ങളിലൂടെ പ്രചരിപ്പിക്കുകയും ചെയ്തെന്ന് ആരോപിച്ച് കായംകുളം പൊലീസില് പരാതി നല്കിയിരിക്കുന്നത്. സംഭവത്തിൽ പൊലീസ് കേസെടുത്ത് അന്വേഷണം ആരംഭിച്ചു. പ്രതിയായ യുവാവ് വിദേശത്താണെന്ന് പൊലീസ് പറഞ്ഞു. ഇയാളെ നാട്ടിലെത്തിക്കാന് ശ്രമം തുടങ്ങിയിട്ടുണ്ട്. തോട്ടപ്പള്ളിയിലെ ഹോട്ടലിലും വീട്ടിലും അതിക്രമിച്ചു കയറി പല തവണ പീഡിപ്പിച്ചെന്നും സമ്മതം കൂടാതെ ദൃശ്യങ്ങള് പകര്ത്തിയെന്നും പരാതിയിലുണ്ട്. ഈ ദൃശ്യങ്ങള് ഭര്ത്താവിനും അയല്വാസികള്ക്കും അയച്ചു സ്വകാര്യത നശിപ്പിച്ചതായും പരാതിയില് പറയുന്നു.
മലയാളത്തിലെ പ്രമുഖ ചാനലില് അമ്മ വേഷം ചെയ്യുന്ന സ്ത്രീയുടെ ചിത്രങ്ങള് വാട്സാപ്പിലൂടെ പ്രചരിച്ചത് ഏറെ ചര്ച്ചയായിരുന്നു. ജനപ്രിയ സീരിയലിലെ നടിക്കെതിരെ പ്രചരണങ്ങളും എത്തി. ഇതിനിടെയാണ് പരാതിയുമായി നടി രംഗത്ത് വന്നത്. തന്നെ ചതിച്ചുവെന്നാണ് ഇവര് പൊലീസിന് നല്കിയ പരാതിയില് പറയുന്നത്. എറണാകുളം സ്വദേശി സിയ (37) എന്ന യുവാവ് അറുപത്തിയൊന്നുകാരിയായ തന്നെ ഫോണ് മുഖേന പരിചയപ്പെട്ടെന്നും സ്മാര്ട് ഫോണ് വാങ്ങി നല്കി, ഫോണ് ചെയ്തു വശീകരിച്ചെന്നും ഭീഷണിപ്പെടുത്തി പീഡിപ്പിച്ചെന്നും പരാതിയില് പറയുന്നു.
https://www.facebook.com/Malayalivartha
