എറണാകുളത്ത് സ്വന്തമായി മൂന്ന് വീടുകള്‍ ഉണ്ടായിരുന്ന ഞാന്‍ വാടക വീട്ടിലേയ്ക്ക് പോകേണ്ട ഗതികേട് ഉണ്ടായി; എന്റെ ആ തീരുമാനം ജീവിതത്തിൽ പ്രതിസന്ധികൾ സൃഷ്ടിച്ചപ്പോഴും ഞാൻ തളർന്നില്ല-വെളിപ്പെടുത്തലുമായി സീരിയല്‍ നടന്‍ രാജീവ് റോഷന്‍
ഒരുകാലത്ത് സീരിയലില്‍ തിളങ്ങിയ താരം അഭിനയത്തില്‍ നിന്നും ഇടവേള എടുത്ത് ദുബായില്‍ ബിസിനസ് രംഗത്തേയ്ക്ക് ചേക്കേറിയ സീരിയല്‍ നടനായിരുന്നു രാജീവ് റോഷന്‍. സീരിയലുകള്‍ മടുത്തു തുടങ്ങിയപ്പോള്‍ മെച്ചപ്പെട്ട സാമ്പത്തിക ഭദ്രതയ്ക്ക് വേണ്ടി ബിസിനസിലേക്കിറങ്ങാന്‍ തീരുമാനിച്ചതാണെന്നു റോഷന്‍ പറയുന്നു. വൈറ്റിലയിലെ ഫ്‌ലാറ്റ് അടക്കം ഉള്ളതെല്ലാം വിറ്റു പെറുക്കി ദുബായില്‍ ഹോട്ടല്‍ തുടങ്ങി. എന്നാല്‍ സീരിയലിനെ വെല്ലുന്ന ട്വിസ്റ്റാണ് തന്റെ ജീവിതത്തില്‍ ഉണ്ടായെന്നു റോഷന്‍ ഒരു മാധ്യമത്തിനു നല്‍കിയ അഭിമുഖത്തില്‍ പറയുന്നു.
'വൈറ്റിലയിലെ ഫ്‌ലാറ്റ് അടക്കം ഉള്ളതെല്ലാം വിറ്റു പെറുക്കി ദുബായില്‍ ഹോട്ടല്‍ തുടങ്ങി. കുടുംബമായി അവിടേക്ക് പറിച്ചുനട്ടു. പക്ഷേ ആ സമയത്താണ് ആഗോളസാമ്പത്തിക മാന്ദ്യം അലയടിച്ചത്. ബിസിനസ് ഷ്ടത്തിലായി. ഉള്ള സമ്പാദ്യമെല്ലാം പോയി. വീണ്ടും കുടുംബവുമായി നാട്ടിലേക്ക് പലായനം ചെയ്യേണ്ടി വന്നു. എറണാകുളത്ത് ഒരിക്കല്‍ മൂന്ന് വീടുകള്‍ ഉണ്ടായിരുന്ന ഞാന്‍ വാടക വീട്ടിലേയ്ക്ക് കുടുംബത്തിനൊപ്പം ജീവിച്ചു.
https://www.facebook.com/Malayalivartha
