ദിവ്യ അത് ഒരിക്കലും രഹസ്യമായി വെക്കില്ല; വിശദീകരണവുമായി 'അമ്മ രഞ്ജിത
നടിയും കോണ്ഗ്രസ് നേതാവും മുന് എം.പിയുമായ ദിവ്യ സ്പന്ദന വിവാഹിതയായെന്ന് റിപ്പോര്ട്ടുകള് കഴിഞ്ഞ ദിവസങ്ങളില് പുറത്ത് വന്നതിനെ തുടർന്ന് വാർത്തയിൽ വിശദീകരണവുമായി ദിവ്യയുടെ അമ്മ രഞ്ജിത രംഗത്ത് . ദിവ്യയുടെ വിവാഹം കഴിഞ്ഞിട്ടില്ലെന്നും ഇപ്പോള് പ്രചരിക്കുന്ന വാര്ത്തകള് അടിസ്ഥാനരഹിതമാണെന്നും മാതാവ് പറഞ്ഞു.
ദിവ്യ വിവാഹത്തിന് തയ്യാറായിട്ടില്ല. അവള് വിവാഹം ചെയ്യുന്നുവെങ്കില് ഒരിക്കലും അത് രഹസ്യമാക്കി വയ്ക്കില്ല. എല്ലാവരെയും അറിയിക്കുന്നതായിരിക്കും. ദയവായി വ്യാജ വാര്ത്തകള് പ്രചരിപ്പിക്കരുത്- രഞ്ജിത പറഞ്ഞു.
പോര്ച്ചുഗീസ് പൗരനും വ്യവസായിയുമായ റാഫേലുമായുള്ള ദിവ്യയുടെ വിവാഹം കഴിഞ്ഞുവെന്നായിരുന്നു റിപ്പോര്ട്ടുകള്. ദുബായില്വച്ച് ഇരുവരും വിവാഹിതരായെന്നും വാര്ത്തകള്പ്രചരിച്ചിരുന്നു .എന്നാൽ
ദിവ്യയും റാഫേലും വേര്പിരിഞ്ഞുവെന്ന് രഞ്ജിത വ്യക്തമാക്കി.
റാഫേലും ദിവ്യയും വേര്പിരിഞ്ഞു. ഇരുവരും അവരുടേതായ ജോലികളുമായി തിരക്കിലായപ്പോള് ബന്ധത്തെ ബാധിച്ചു. ദിവ്യ പോര്ച്ചുഗലില് ജീവിക്കാന് ആഗ്രഹിക്കുന്നില്ല. അതിനാല് വേര്പിരിയാന് തീരുമാനിച്ചു. എന്നിരുന്നാലും അവര് സുഹൃത്തുക്കളായി തുടരും- രഞ്ജിത കൂട്ടിച്ചേര്ത്തു.
അഭിനയം അവസാനിപ്പിച്ച് രാഷ്ട്രീയത്തില് സജീവമായി പ്രവര്ത്തിക്കുകയാണ് ദിവ്യയിപ്പോള്. 2011 ല് ഇന്ത്യന് നാഷണല് കോണ്ഗ്രസ്സിലൂടെ രാഷ്ട്രീയത്തിലെത്തിയ ദിവ്യ 2013 ല് കര്ണ്ണാടകയിലെ മാണ്ഡ്യ ലോകസഭാ മണ്ഡലത്തില് നടന്ന ഉപതിരഞ്ഞെടുപ്പില് മത്സരിക്കുകയും വിജയിക്കുകയും ചെയ്തു. പതിനഞ്ചാം ലോകസഭയിലെ ഏറ്റവും പ്രായം കുറഞ്ഞ അംഗമായിരുന്നു.
https://www.facebook.com/Malayalivartha