സ്‌നേഹിക്കാന്‍ കൊതിക്കുന്ന മനസുമായി ദിലീപെത്തുന്നു. ശീബാല കെ. മേനോന്‍ ആദ്യമായി സംവിധാനം ചെയ്യുന്ന ലവ് 24x7 എന്ന ചിത്രത്തിലാണ് ദിലീപ് സ്‌നേഹ നായകനാകുന്നത്. ജീവിതം വീണ്ടും ആവര്‍ത്തിക്കപ്പെടുന്നു എന്ന ടാഗ്‌ലൈനോടെ എത്തുന്ന ചിത്രത്തില്‍ ചാനല്‍ അവതാരകന്റെ വേഷത്തിലാണ് ദിലീപ്. 
മാധ്യമ രംഗത്തിന്റെ പശ്ചാത്തലത്തിലുള്ള പ്രണയകഥയാണ് ലവ് 24x7 ന്റെ ഇതിവൃത്തം. നിഖില വിമല്‍ ആണ് ചിത്രത്തില്‍ ദിലീപിന്റെ നായിക. സുഹാസിനി മണിരത്‌നം ആണ് മറ്റൊരു പ്രമുഖ വേഷം ചെയ്യുന്നത്. ലെന, പ്രമുഖ മാധ്യമ പ്രവര്‍ത്തകനായ ശശികുമാര്‍, ശങ്കര്‍ രാമകൃഷ്ണന്‍ തുടങ്ങിയവരും സിനിമയില്‍ ശ്രദ്ധേയമായ വേഷങ്ങള്‍ കൈകാര്യം ചെയ്യുന്നു.
നായക കഥാപാത്രത്തിനു മാത്രമല്ല, എല്ലാ കഥാപാത്രങ്ങള്‍ക്കും തുല്യ പ്രാധാന്യമുളള കഥയാണ് ജീവിതം വീണ്ടും ആവര്‍ത്തിക്കപ്പെടുന്നു എന്ന ടാഗ്‌ലൈനില്‍ ചുറ്റിപ്പറ്റി വികസിക്കുന്ന ചിത്രം പറയുന്നത്. ഒരു ചെറുകഥയില്‍ നിന്ന് പ്രമേയം ഉള്‍ക്കൊണ്ടിട്ടുളള ചിത്രത്തിനു തിരക്കഥ ഒരുക്കിയിരിക്കുന്നത് ശ്രീബാല തന്നെയാണ്. എറണാകുളം, തിരുവനന്തപുരം എന്നിവിടങ്ങളിലാണ് ചിത്രത്തിന്റെ പ്രധാന ലൊക്കഷന്‍. 
ചിത്രത്തിലെ പ്രധാന രംഗങ്ങള്‍ നടക്കുന്ന ന്യൂസ് ഡസ്‌ക് എറണാകുളത്ത് പ്രത്യേകം തയാറാക്കിയ സെറ്റിലാണ് ചിത്രീകരിക്കുന്നത്. ബിനീഷ് ബാഗ്ലന്‍ ആണ് കലാസംവിധാനം നിര്‍വഹിക്കുന്നത്. റഫീഖ് അഹമ്മദിന്റെ വരികള്‍ക്ക് ബിജിപാല്‍ ഇണം നല്‍കുന്നു. സമീര്‍ ഹക്ക് ആണ് ഛായാഗ്രഹകന്‍. എഡിറ്റിങ് മഹേഷ് നാരായണന്‍. ദിലീപിന്റെ നിര്‍മാണ കമ്പനിയായ ഗ്രാന്‍ഡ് പ്രൊഡക്ഷന്‍സ് ഇ-ഫോര്‍ എന്റര്‍ടെയ്ന്‍മെന്റിന്റെ ബാനറില്‍ മുകേഷ് ആര്‍ മേത്ത എന്നിവരാണ് സിനിമയുടെ നിര്‍മാണം. 
സത്യന്‍ അന്തിക്കാടിന്റെ അസോസിയേറ്റ് ആയിരുന്ന ശ്രീബാല കെ. മേനോന്‍ അദ്ദേഹത്തിന്റെ ചിത്രങ്ങളില്‍ പ്രവര്‍ത്തിച്ച പരിചയവുമായിട്ടാണ് ചലച്ചിത്രലോകത്ത് അരങ്ങേറുന്നത്. സത്യന്‍ അന്തിക്കാട്- ഡോ. ഇക്ബാല്‍ കുറ്റിപ്പുറം കൂട്ടുകെട്ടില്‍ പുറത്തിറങ്ങിയ ഒരു ഇന്ത്യന്‍ പ്രണയകഥ എന്ന ചിത്രത്തിലും ശ്രീബാല സഹസംവിധായിക ആയിരുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha