മമ്മൂട്ടി എന്ന നടന്റെ അഭിനയ മികവ് കൊണ്ട് മാത്രം പത്തേമാരി ശ്രദ്ധേയമാകുന്നു. പള്ളിക്കല്‍ നാരായണന്‍ എന്ന പ്രവാസിയുടെ വിവിധ കാലങ്ങളിലൂടെയുള്ള യാത്രയാണ് പത്തേമാരി. ഓരോ കാലഘട്ടത്തിലും കഥാപാത്രത്തിന് ഇണങ്ങുന്ന ശരീരഭാഷയിലൂടെ മമ്മൂട്ടി വീണ്ടും വ്‌സ്മയിപ്പിക്കുന്നു. അവസാനത്തെ ഒറ്റസീനിലെ അഭിനയം കണ്ട്  പ്രേക്ഷകരുടെ കണ്ണ് നനഞ്ഞു. ഇമേജുകളുടെ തടവറയില്‍ നിന്ന് കഴിഞ്ഞ കുറേ കാലത്തിന് ശേഷം താരം പുറത്ത് വന്ന ചിത്രം കൂടിയാണിത്. 

താരമ്യേന വലിയ ക്യാന്‍വാസില്‍ പറയേണ്ട കഥ പലയിടത്തും വളരെ ശുഷ്‌കമായാണ് സംവിധായകന്‍ സലിം അഹമ്മദ് അവതരിപ്പിച്ചിരിക്കുന്നത്. നിരവധി ജീവിതമുഹൂര്‍ത്തങ്ങള്‍ കോര്‍ത്തിണക്കാനുള്ള സന്ദര്‍ഭങ്ങളുണ്ടായിട്ടും തിരക്കഥാകൃത്തുകൂടിയായ സംവിധായകന് അതിന് കഴിഞ്ഞില്ല. വിസയിലും ഈനാടിലും ഗര്‍ഷോമിലും ഒക്കെ പ്രവാസികളുടെ ജീവിതാവസ്ഥ നാം കണ്ടതാണ്. ആ ലെവലില്‍ വരേണ്ട ചിത്രമായിരുന്നു. മധു അമ്പാട്ടിന്റെ ക്യാമറ മാത്രമാണ് സാങ്കേതിക വിഭാഗത്തില്‍ മികച്ച് നില്‍ക്കുന്നത്. 

ശ്രീനിവാസന്റെയും സിദ്ധിഖിന്റെയും അഭിനയം പ്രത്യേകം പരാമര്‍ശിക്കേണ്ടതാണ്. അന്‍പത് കൊല്ലത്തോളം പ്രവാസജീവിതം നയിച്ചിട്ടും വലിയ സമ്പാദ്യങ്ങളൊന്നും ഉണ്ടാക്കാന്‍ കഴിയാഞ്ഞ പള്ളിക്കല്‍ നാരായണന്റെ ജീവിതം പരാജയമാണെന്ന് മകന്‍ സതീശന്‍ പോലും വിശ്വസിക്കുന്നു. എന്നാല്‍ തന്റെ വീട്ടിലെ പട്ടിണി മാറിയതും പെങ്ങമ്മാരെ കെട്ടിച്ചയക്കാനായതും ചേട്ടന് നല്ലൊരു ജീവിതം കെട്ടിപ്പടുക്കാനായതും തന്റെ അധ്വാനം കൊണ്ടാണെന്നും ആ നിലയ്ക്ക് തന്റെ ജീവിതം സക്‌സസ് ആണെന്നും നാരായണന്‍ പറയുന്ന രംഗമാണ് പത്തേമാരിയുടെ ആത്മാവ്. അതിനെ മനോഹരമാക്കിയത് മമ്മൂട്ടിയെന്ന മഹാ നടനും. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha