വ്യായാമം ചെയ്യുന്ന കാര്യത്തില്‍ താന്‍ ഇന്റര്‍നാഷണല്‍ മടിച്ചിയാണെന്ന് ആനി. വെള്ളിത്തിരയില്‍ നിന്ന് വിട്ട് നിന്ന താരം അടുത്തിടെ മിനിസ്‌ക്രീനിലൂടെ വീണ്ടും സജ്ജീവമായതോടെയാണ് വ്യായാമം ചെയ്യാന്‍ തീരുമാനിച്ചത്. ആദ്യം സ്‌ക്രീനില്‍ കണ്ട് താന്‍ തന്നെ ഞെട്ടിയെന്ന് താരം പറഞ്ഞു. ദിവസവും അരമണിക്കൂര്‍ ട്രെഡ്മില്ലില്‍ നടക്കാറുണ്ട്. സൗന്ദര്യ സംരക്ഷണത്തിനായി പ്രത്യേകിച്ചൊന്നും താരം ചെയ്യാറില്ല. മനസ് എപ്പോഴും സന്തോഷത്തോടെ ഇരിക്കുന്നതായിരിക്കാം സൗന്ദര്യരഹസ്യം. തന്റെ നല്ല സ്‌കിന്നാണെന്ന് പലരും പറയാറുണ്ടെന്നും താരം പറഞ്ഞു. 

പ്രാര്‍ത്ഥനയും ധ്യാനവും നടത്താറുണ്ട്. ആറ് മാസം കൂടുമ്പോള്‍ ഹെല്‍ത്ത് ചെക്കപ്പുകള്‍ നടത്താറുണ്ട്. ഡോക്ടറുടെ നിര്‍ദ്ദേശമില്ലാതെ മരുന്നുകള്‍ വാങ്ങി കഴിക്കാറില്ല. ഒരു വര്‍ഷമാണ് ആനി സജീവമായി സിനിമയില്‍ ഉണ്ടായിരുന്നത്. എട്ട് സിനിമകളില്‍ നായികയായി. എന്നിട്ടും ആനിയെ മലയാളികള്‍ മറന്നില്ല. അമൃതയില്‍ കുക്കറി ഷോ തുടങ്ങിയപ്പോഴാണ് അക്കാര്യം മനസിലായതെന്ന് താരം പറഞ്ഞു. 

ഉപ്പ്, എണ്ണ, മസാല എന്നിവയെല്ലാം പരമാവധി കുറച്ചാണ് താരം പാചകം ചെയ്യുന്നത്. എരിവ് ഇഷ്ടമാണെങ്കിലും ഇപ്പോഴതും കുറച്ചു. കറിപ്പൊടികളൊന്നും വാങ്ങാറില്ല. മസാലപ്പൊടികള്‍ വീട്ടില്‍ തന്നെ പൊടിക്കും. എരിവ് കുറഞ്ഞ കാശ്മീരി മുളക് പൊടിയാണ് ഉപയോഗിക്കുന്നത്. വീടിന്റെ പരിസരത്ത് പേര, ചാമ്പ, മാവ്, പ്ലാവ് എല്ലാം നട്ട് പിടിപ്പിച്ചിട്ടുണ്ട്. അവയാണ് കുട്ടികള്‍ക്ക് നല്‍കാറ്. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha