ഹരിശ്രീ അശോകനും നാദിര്‍ഷയും ഗള്‍ഫില്‍ കോമഡി ഷോ നടത്തുന്നു. സ്‌പോണ്‍സര്‍ ഇരുവരുടെയും പിന്നാലെ വിടാതെയുണ്ട്. അയാളുടെ മകന്‍ പാട്ടുകാരനാണ്, എങ്ങനെയും സ്റ്റേജില്‍ കയറ്റി പാട്ട് പാടിക്കണം. ഹരീശ്രീ അശോകനും നാദിര്‍ഷയും ഒഴിഞ്ഞ് മാറി നടക്കുകയാണ്. അങ്ങനെ ഒരു സ്‌കിറ്റ് വന്നു. പാട്ടു പാടി രോഗം മാറ്റല്‍ അതാണ് ഐറ്റം. കുളമായി പാടുന്ന ഒരാള്‍. കൈയനക്കാന്‍ പറ്റാത്ത ഒരാള്‍ പാട്ടിന്റെ ഭീകരത മൂലം ഗായകന്റെ കരണക്കുറ്റിക്കിട്ട് പൂശുന്നതും അങ്ങനെ രോഗം മാറുന്നതുമാണ് സ്‌കിറ്റ്. 

ആര് പാടും?അപ്പോഴാണ് സ്‌പോണ്‍സറുടെ മകനെകുറിച്ച് ഓര്‍ത്തത്. പയ്യനെ വിളിച്ചത്. പയ്യന്‍ നന്നായി പാടി കുളമാക്കുമെന്ന് ഉറപ്പാക്കി. അങ്ങനെ പ്രോഗ്രാം തുടങ്ങാറായി. അപ്പോഴാണ് ഹരിശ്രീ അശോകന്റെ ഐഡിയ, വെറുതെ കൈ തളര്‍ക്കുന്നത് വേണ്ട. കാലുകള്‍ക്കിടയിലൂടെ കൈ കഴുത്തിലിട്ട് ഇരിക്കാം, എന്നാലേ ഒരു ഇഫക്ട് കിട്ടൂ. അശോകന്‍ തന്നെ അത് ഇരുന്ന് കാണിച്ചു. മറ്റാര്‍ക്കും അങ്ങനെ ഇരിക്കാന്‍ പറ്റില്ല. നാദിര്‍ഷ നിരാശപ്പെടുത്തി. പക്ഷെ, അശോകന്‍ സമ്മതിച്ചില്ല. 

പരിപാടി തുടങ്ങി പയ്യന്‍ സര്‍ഗത്തിലെ, സ്വരരാഗ ഗംഗാ പ്രവാഹമേ... വെച്ച് അലക്കുകയാണ്. ശ്രുതിയുമില്ല, താളവുമില്ല. അശോകന്റെ ഇരുപ്പ് കണ്ടാല്‍ ചിരിവരും. പാട്ട് തീരാറായിട്ടും അശോകന്‍ കൈ അഴിക്കുന്നില്ല. എല്ലാവര്‍ക്കും ആശങ്ക. വേദനയോടെ താരം പുളയുകയാണ്. അതിനിടെ ആരോ കര്‍ട്ടനിടെടാ എന്ന് പറഞ്ഞു. അതുകൊണ്ട് രക്ഷപെട്ടു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha