പവനായി ശവമായത് ഇങ്ങനെ...
പണ്ടൊക്കെ സിനിമകളില് വില്ലന്മാര് നായകനെ ഫോണില് വിളിക്കും, എന്നിട്ട് നിന്നെ നാളെ കൊല്ലുമെന്ന് ഭീഷണിപ്പെടുത്തും. ഫോണ്വെയ്ക്കാന് നേരം ഗുഡ്നൈറ്റും പറയും. അതെന്തിനാണെന്ന് എത്ര ആലോചിച്ചിട്ടും സത്യന് അന്തിക്കാടിന് പിടികിട്ടുന്നില്ല. നാടോടിക്കാറ്റിലെ കള്ളക്കടത്തുകാരന് അനന്തന് നമ്പ്യാര് സി.ഐ.ഡികളെ കൊല്ലാന് ഒരു പ്രോഫഷണല് കില്ലറെയാണ് തേടുന്നത്. സാധാരണ അഭിനയ ശൈലിയില് നിന്ന് വ്യത്യസ്തമായി വില്ലന് വേഷം ഒരാളെ കൊണ്ട് ചെയ്യിക്കണം. അങ്ങനെയാണ് ക്യാപ്ടന് രാജുവിനെ പവനായി ആക്കുന്നത്.
ക്യാപ്ടന് രാജുവിന്റെ പവനായി എല്ലാം സീരിയസായാണ് പറയുന്നത്. പക്ഷെ, ഓഡിയന്സിന് എല്ലാം തമാശയായി തോന്നും. നടന് എന്ന നിലയില് തന്റെ റേഞ്ച് മാറ്റിയത് പവനായി ആണെന്ന് ക്യാപ്റ്റര് രാജു പറഞ്ഞു. അതിന് സത്യന് അന്തിക്കാടിനോടും ശ്രീനിവാസനോടും നന്ദിയുണ്ട്. കാഞ്ഞങ്ങാട് കുഗ്രാമത്തിലുള്ള പി.വി നാരായണന് പവനായി ആയി മാറിയതാണ്. ഒരു കില്ലറിന് നാരാണന് എന്ന് പേരിട്ടാല് ആരും ബഹുമാനിക്കില്ല. അതുകൊണ്ടാണ് പി.വി നാരായണന് പരിഷ്കരിച്ച് പവനായി ആയത്. വര്ഷങ്ങള് കഴിഞ്ഞിട്ടും ആളുകള് പലപ്പോഴും തന്നെ പവനായി എന്ന് വിളിക്കാറുണ്ടെന്ന് ക്യാപ്ന് രാജു പറഞ്ഞു.
പൊലീസിനും പട്ടാളത്തിനും പേടി സ്വപ്നമായ പവനായി അവസാനം ശവമായി എന്ന് പറയുമ്പോഴും പ്രേക്ഷകര് ചിരിക്കുകയാണ്. യഥാര്ത്ഥ്യത്തില് പവനായി എല്ലാ കാര്യങ്ങളും സീരിയസായാണ് ചെയ്യുന്നത്. പക്ഷെ, അതെല്ലാം സരസമായാണ് സംവിധായകന് അവതരിപ്പിച്ചത്. സി.ഐ.ഡി മൂസയിലെ പ്രൈവറ്റ് ഡിറ്റക്ടീവ് കരംചന്ദും പവനായി ചെയ്തത് കൊണ്ട് കിട്ടിയതാണ്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha