ജാതിയുടെ പുറകേ പോവല്ലേ... ഒട്ടെല്ലാപാര്‍ട്ടികളും സ്ഥാനാര്‍ത്ഥികളെ നിര്‍ണ്ണയിച്ചിരിക്കുന്നത് ജാതി,മത,സാമുദായിക പരിഗണനകള്‍ മുന്‍നിറുത്തി മാത്രം
തദ്ദേശ ഭരണ സ്ഥാപനങ്ങളിലേക്കുള്ള ആദ്യഘട്ട തെരഞ്ഞെടുപ്പ് തിങ്കളാഴ്ച നടക്കാനിരിക്കെ കേരളത്തിലെ രാഷ്ട്രീയ പാര്‍ട്ടികളെ വിമര്‍ശിച്ച് ദിലീപ് രംഗത്ത്. തെരഞ്ഞെടുപ്പില്‍ ആദ്യമായി വോട്ടുരേഖപ്പെടുത്താന്‍ പോകുന്നവര്‍ക്ക് ആശംസകള്‍ നേര്‍ന്ന് ഫേസ്ബുക്കിലിട്ട പോസ്റ്റിലാണ് ദിലീപ് നിലവിലെ രാഷ്ട്രീയ പാര്‍ട്ടികളെ വിമര്‍ശിച്ചത്.
ദിലീപിന്റെ ഫേസ്ബുക്ക് പോസ്റ്റിന്റെ പൂര്‍ണരൂപം
പ്രിയപ്പെട്ടവരെ,
നാളെയും, അഞ്ചാം തീയതിയുമായി നടക്കുന്ന തിരഞ്ഞെടുപ്പില്‍ ആദ്യമായ് വോട്ട് രേഖപ്പെടുത്താന്‍ തയ്യറെടുക്കുന്ന എല്ലാവര്‍ക്കും ആശംസകള്‍. യഥാര്‍ത്ഥത്തില്‍ വോട്ട് മാത്രമാണു ജനാധിപത്യത്തില്‍ പൗരനു ( ജനത്തിനു)ള്ള ഏക അധികാരം. ഈ അധികാരം വിവേകത്തോടെ വിനിയോഗിക്കുക. ഭാരതം ഒരു മതേതര ജനാധിപത്യ രാജ്യമാണു. നാഴികയ്ക്കുനാല്‍പ്പതുവട്ടം അത് ഉദ്‌ഘോഷിക്കുകയും ചെയ്യുന്നു. എന്നാല്‍ സംഭവിക്കുന്നത് നേരെ വിപരീതമാണു! ഈ തിരഞ്ഞെടുപ്പില്‍ ഒട്ടെല്ലാപാര്‍ട്ടികളും സ്ഥാനാര്‍ത്ഥികളെ നിര്‍ണ്ണയിച്ചിരിക്കുന്നത് ജാതി,മത,സാമുദായിക പരിഗണനകള്‍ മുന്‍ നിറുത്തിമാത്രമാണെന്നത് പ്രബുദ്ധത നടിക്കുന്ന മലയാളിക്ക് അപമാനമാണു. നമ്മുടെ രാഷ്ര്ടീയ നേതാക്കന്മാരുടെയും, പാര്‍ട്ടികളുടേയും വാക്കും, പ്രവര്‍ത്തിയും ഒന്നാവുമ്പോഴേ ഈ നാട് യഥാര്‍ത്ഥ മതേതര ജനാധിപത്യ രാജ്യമാകൂ, അതുകൊണ്ട് ഈ തിരഞ്ഞെടുപ്പില്‍ നിങ്ങളുടെ പ്രതിനിധികളായ് തിരഞ്ഞെടുക്കപ്പെടുന്നവര്‍ നിങ്ങള്‍ക്കും,സര്‍വ്വോപരി സമൂഹത്തിനും നന്മചെയ്യുന്നവരാവണം എന്ന ഉത്തമവിശ്വാസത്തോടെ, ജാതി, മത, സാമുദായിക, രാഷ്ര്ടീയ പരിഗണനകള്‍ക്കതീതമായ് ജനാധിപത്യത്തിലെ ഏറ്റവും മൂര്‍ച്ചയേറിയ വോട്ട് എന്ന ആയുധം നിര്‍ഭയം പ്രയോഗിക്കുക.എല്ലാവര്‍ക്കും കേരളപ്പിറവിദിനാശംസകള്‍, ജയ്ഹിന്ദ്.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
