സ്റ്റൈല്‍ മന്നന്‍ രജികാന്ത് അവസാനം ആ പെണ്‍കുട്ടിയെ തിരിച്ചറിഞ്ഞു. എളിമയുടെയും വിനയത്തിന്റെയും ആള്‍രൂപമായ താരം മലേഷ്യയിലും വീണ്ടും എളിമയുടെ കാര്യത്തില്‍ കൈയടി നേടിയിരിക്കുകയാണ്. കബാലി എന്ന പുതിയ സിനിമയുടെ ചിത്രീകരണത്തിനിടെ നടന്ന ഒരു സംഭവമാണ് സ്‌റ്റൈല്‍മന്നന്റെ എളിമയ്ക്ക് പുതിയ ഉദാഹരണമായി മാറിയിരിക്കുന്നത്.
താമസിക്കുന്ന ഹോട്ടലില്‍ നിന്ന് ഷൂട്ടിങ് ലൊക്കേഷനിലേക്ക് പോകവേ രജനിയുടെ കാറിന് ചുറ്റും ആരാധകര്‍ ആര്‍പ്പുവിളിയോടെ എത്തി. സമയനിഷ്ഠയുള്ള സ്‌റ്റൈല്‍ മന്നന്‍ ആരാധകര്‍ക്ക് നേരെ കൈ വീശി കാറില്‍ യാത്ര തുടരവേ നിറകണ്ണുകളുമായി ഒരു ആരാധിക അടുത്തേക്ക് ഓടിയെത്തി.
രജനിയെ അടുത്ത് കാണാന്‍ പറ്റാത്തതിന്റെ സങ്കടം സഹിക്കാനാകാതെയായിരുന്നു കരച്ചില്‍. ഇത് കണ്ട നടന്‍ ഡ്രൈവറോട് കാര്‍ നിര്‍ത്താന്‍ രജനി ആവശ്യപ്പെടുയും കരഞ്ഞുകൊണ്ടിരുന്ന പെണ്‍കുട്ടിയെ സമീപത്തേക്ക് വിളിച്ചു. കരച്ചില്‍ ആദ്യം നിര്‍ത്തൂ, നിങ്ങളുടെ ഇഷ്ടമുള്ള രീതിയില്‍ ഞാന്‍ കൂടെ ഫോട്ടോയ്ക്ക് പോസ് ചെയ്യാമെന്നും താരം പറഞ്ഞു. പെണ്‍കുട്ടിക്കൊപ്പം ഫോട്ടോ എടുത്ത ശേഷം കുശലം പറഞ്ഞാണ് താരം മടങ്ങിയത്.
അട്ടക്കത്തി, മദ്രാസ് എന്നീ സിനിമകളൊരു പാ രഞ്ജിത്ത് ആണ് കബാലിയുടെ സംവിധായകന്‍. തമിഴ്‌നാട്ടില്‍ നിന്ന് മലേഷ്യയിലേക്ക് അധോലോക സാമ്രാജ്യം വ്യാപിപിച്ച കബാലീശ്വന്‍ എന്ന ഡോണ്‍ ആയാണ് രജനി കഥാപാത്രമാകുന്നത്. മലേഷ്യയിലെ ജയിലിലാണ് കബാലി ഇപ്പോള്‍ ചിത്രീകരിക്കുന്നത്. ലിംഗായുടെ പരാജയത്തിന് ശേഷം ശക്തമായ തിരിച്ചുവരവിനൊരുങ്ങുന്ന രജനീകാന്ത് പല മുന്‍നിര സംവിധായകരെയും മാറ്റിനിര്‍ത്തിയാണ് രഞ്ജിത്തിന് ഡേറ്റ് നല്‍കിയത്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha