പ്രളയം ദുരന്തം വിതച്ച ചെന്നൈയിലെ ഒരു ഗ്രാമം പ്രശസ്ത സംവിധായകന്‍ മണിരത്‌നവും ഭാര്യയും നടിയുമായ സുഹാസിനിയും ദത്തെടുത്തു. താരദമ്പതികള്‍ ഏറ്റെടുത്തത് പ്രളയത്തില്‍ തകര്‍ന്ന തെക്കന്‍ ചെന്നൈയിലെ കോട്ടപ്പുറത്തുള്ള സൂര്യനഗര്‍ ഗ്രാമമാണ്.
ചെന്നൈയില്‍ പ്രവര്‍ത്തിക്കുന്ന ഇവരുടെ ചാരിറ്റബിള്‍ ട്രസ്റ്റായ എന്‍.എ.എം വഴിയാണ് ഇവര്‍ ഗ്രാമം ദത്തെടുത്തത്. ട്രസ്റ്റിന്റെ നേതൃത്വത്തില്‍ ദുരിതബാധിതര്‍ക്ക് കുടിവെള്ളവും, ഭക്ഷണവും വിതരണം ചെയ്യല്‍ ആരംഭിച്ചിട്ടുണ്ട്.

മെഡിക്കല്‍ സംഘവും ഇവിടെ എത്തിയിട്ടുണ്ട്. ഇതോടൊപ്പം വരും ദിവസങ്ങളില്‍ ഗ്രാമീണരെ സന്ദര്‍ശിക്കാന്‍ തീരുമാനിച്ചതായി മണിരത്‌നവും സുഹാസിനിയും അറിയിച്ചു. പ്രളയം അതിക്രമിച്ച സമയത്തും ദുരിതത്തില്‍ അകപ്പെട്ടവര്‍ക്ക് ദമ്പതികള്‍ സഹായമെത്തിച്ചിരുന്നു.
അപ്രതീക്ഷിതമായി ഉണ്ടായ വെള്ളപ്പൊക്കത്തില്‍ തകര്‍ന്നടിഞ്ഞ ചെന്നൈയ്ക്ക് രാജ്യത്തിന്റെ വിവിധ ഭാഗങ്ങളില്‍ നിന്നും സഹായങ്ങള്‍ എത്തുന്നുണ്ട്.

 പ്രളയത്തിനു ശേഷം ചെളി മൂടിയ ചെന്നൈയില്‍ ശുചീകരണ പ്രവര്‍ത്തനങ്ങള്‍ക്കായി തമിഴിലെ താരങ്ങളായ കാര്‍ത്തി, ആര്യ തുടങ്ങിയവര്‍ ഉള്‍പ്പെടുന്ന സിനിമാ സംഘം നിരത്തിലിറങ്ങിയതും കഴിഞ്ഞ ദിവസം വാര്‍ത്തയായിരുന്നു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha