സിനിമാക്കാരായിരുന്നത് കൊണ്ട് കലാഭവന്‍ നവാസും രഹ്നയും പ്രണയിച്ച് വിവാഹം കഴിച്ചെന്നാണ് പലരും കരുതിയിരുന്നത്. പലരുടെയും ചോദ്യം കേട്ട് മടുത്തെന്ന് രഹ്ന പറഞ്ഞു. നിലാകാശം നിറയെ എന്ന സിനിമയുടെ ലൊക്കേഷനില്‍ വെച്ചാണ് നവാസിനെ രഹ്ന ആദ്യമായി കാണുന്നത്. നവാസിന്റെ ജോഡിയായാണ് അഭിനയിച്ചത്. ഏഴ് ഷെഡ്യൂളായാണ് സിനിമ പൂര്‍ത്തിയാക്കിയത്. ആ സമയത്ത് നവാസിന് കല്യാണം ആലോചിക്കുന്നുണ്ടായിരുന്നു. ആ സമയത്ത് ലൊക്കേഷനില്‍ നവാസിന്റെ അനുജന്‍ നിയാസ് ലൊക്കേഷനില്‍ വന്നിരുന്നു. നവാസാണ് രഹ്നയെ വിവാഹം കഴിക്കരുതോ എന്ന് ആദ്യം ചോദിച്ചത്. 

രഹ്നയുടെ ഉപ്പ ഉസ്മാന്‍ നാടകനടനാണ്. വീട്ടുകാര്‍ ആലോചിച്ച് ഉറപ്പിച്ചാണ് രഹമനയും നവാസും വിവാഹിതരായത്. ഒന്നിച്ചഭിനയിച്ച സിനിമ ഹിറ്റായില്ലെങ്കിലും ജീവിതം ഹിറ്റായി. ചങ്ങരംകുളത്തെ വീട്ടിലായിരുന്നു നീലാകാശം നിറയെ എന്ന സിനിമയുടെ പ്രധാന ലൊക്കേഷന്‍. ഒരേ കോമ്പൗണ്ടില്‍ ജീവിക്കുന്ന ഹിന്ദു-മുസ്‌ലിം കുടുംബങ്ങള്‍ മതസ്പര്‍ധ കൊണ്ട് ശത്രുക്കളാകുന്നതാണ് കഥ. യഥാര്‍ത്ഥ ജീവിതത്തില്‍ വിവാഹം ഉറപ്പിച്ച ശേഷം പോലും ആ സിനിമയിലെ കഥാപാത്രങ്ങളെ പോലെ പരസ്പ്പരം കാണാനോ സംസാരിക്കാനോ മാര്‍ഗമില്ലായിരുന്നു. മിക്ക സീനിലും രഹ്ന അപ്പുറത്തെ വീട്ടിലും നവാസ് ഇപ്പുറത്തെ വീട്ടിലുമാണ്. ഇരുവരും പരസ്പരം നോക്കി നില്‍ക്കാനേ വിധിയുണ്ടായിരുന്നുള്ളൂ. 

വിവാഹ ശേഷം ആ വീട്ടില്‍ നവാസും രഹ്നയും പോയിട്ടുണ്ട്. ഇന്നവിടം ഒരു ഓര്‍ഫനേജാണ്. താലോലത്തിലെ സുരേഷ്‌ഗോപിയുടെ മകളുടെ വേഷമാണ് രഹ്ന ചെയ്തതില്‍ നവാസിന് ഏറ്റവും ഇഷ്ടം. വിവാഹം ഉറപ്പിച്ചപ്പോള്‍ സ്ത്രീ സീരിയലില്‍ അഭിനയിക്കുകയായിരുന്നു രഹ്ന. നിക്കാഹ് ഒരു ഞായറാഴ്ചയായിരുന്നു. വെള്ളിയാഴ്ച വരെ അഭിനയിച്ചു. കല്യാണം ആയതിനാല്‍ പിന്നെ അഭിനയിച്ചില്ല. അതോടെ രഹ്നയുടെ കഥാപാത്രം മരിച്ചതായി ചിത്രീകരിച്ചു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha