ക്യാന്‍സര്‍ എന്ന മാരകരോഗത്താല്‍ വേദനയില്‍ പുളഞ്ഞ് ഐസിയുവില്‍ കിടക്കുമ്പോഴും പുഞ്ചിരിക്കാന്‍ ശ്രമിച്ച് പ്രിയനടന്‍ ജിഷ്ണു രാഘവന്‍. തന്റെ ഇപ്പോഴത്തെ അവസ്ഥയെക്കുറിച്ച് ജിഷ്ണു ഫസ്ബുക്കില്‍ പോസ്റ്റിട്ടു. ചങ്കില്‍ തട്ടുന്നതാണ് ആ പോസ്റ്റ്.
ഞാന്‍ ഇപ്പോള്‍ ഐസിയുവിലാണെന്നും എന്നാല്‍ പേടിക്കേണ്ടതില്ല. ഇതെന്റെ രണ്ടാമത്തെ വീടാണ്. പോസീറ്റീവ് ചിന്താഗതിയും എപ്പോഴും പുഞ്ചിരിക്കുന്നതും ജീവിതത്തില്‍ ഒരുപാട് മാറ്റങ്ങള്‍ക്ക് കാരണമാകുമെന്ന് ജിഷ്ണു പറയുന്നു.
എനിക്കിവിടെ സന്തോഷമാണ്. ഡോക്ടര്‍മാര്‍ റൗണ്ട്‌സിന് വരുമ്പോള്‍ ഞാനിവിടെ മയക്കത്തിലായിരിക്കും. പെട്ടന്ന് തന്നെ എഴുന്നേറ്റ് അവര്‍ക്കൊരു നല്ല പുഞ്ചിരിയും ഞാന്‍ പാസാക്കും. അവരും തിരിച്ച് പുഞ്ചിരിക്കും. പുഞ്ചിരിക്കുന്ന രോഗിയെ കാണുന്നത് നമുക്കും അവരെ ചികിത്സിക്കാന്‍ ഒരു ഊര്‍ജം നല്‍കുമെന്ന് ഡോക്ടര്‍ പറയാറുണ്ട്. തീര്‍ച്ചയായും ഇതൊരുപാട് മാറ്റങ്ങള്‍ ഉണ്ടാക്കും.
ഐസിയുവില്‍ എന്റെ വേദന കുറക്കുന്നതിനുള്ള ചികിത്സ ചെയ്യുമ്പോഴും ഞാന്‍ പുഞ്ചിരിക്കാറുണ്ട്. ഇത് അവിടുത്തെ മോശമായ അന്തരീക്ഷത്തെ തന്നെ മാറ്റുന്നു. ഇതൊരു മാജിക് ആണ്. പുഞ്ചിരി മാജിക്. നിങ്ങളും പരീക്ഷിക്കൂ. എല്ലാവര്‍ക്കും ഇതറിയാം, പലപ്പോഴും ഇത് ചെയ്യാന്‍ മറക്കും. എന്താ അതു ശരിയല്ലേ? ഇതൊരു ഉപദേശമല്ല , എന്റെ അനുഭവമാണ്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha