ചെന്നൈയിലെ വീട്ടിലുണ്ടെങ്കില്‍ വിജയ് യെ കാണാന്‍ ദിവസവും നൂറു കണക്കിന് ആരാധകരാണ് എത്തുന്നത്. സിനിമയുടെ തിരക്കുണ്ടെങ്കില്‍ അവിടെയും ആരാധകരും മറ്റ് അണിയറപ്രവര്‍ത്തകരും ഉണ്ടാകും. ഇതില്‍ നിന്നൊക്കൊ ഒഴിവ് കിട്ടിയാല്‍ താരം കുടുംബ സമേതം നേരെ ദുബയ്ക്ക് പറക്കും. അതാണ് ഉല്ലാസയാത്രക്ക് പറ്റിയ സ്ഥലമെന്ന് താരം പറഞ്ഞു. തെരിയുടെ വിജയത്തിന് ശേഷവും കുടുംബവുമൊത്ത് താരം ദുബയ്ക്ക് പറന്നു. ഇനി രണ്ടാഴ്ച കഴിഞ്ഞേ വരൂ.

ദുബയിലെ ബുര്‍ജ് ഖലീഫ ഉയരം കൊണ്ട് ലോക ശ്രദ്ധ പിടിച്ചുപറ്റിയതാണ്. അവിടെയുള്ള അര്‍മാനിയ ഹോട്ടലിലാണ് വിജയ് താമസിക്കുന്നത്. എപ്പോള്‍ ദുബയില്‍ വന്നാലും ബുര്‍ജ് ഖലീഫയിലെ ഈ ഹോട്ടലിലാണ് തങ്ങുന്നത്. ദുബയില്‍ ആകെമാനം ചുറ്റിക്കറങ്ങി നടന്ന് എന്തൊക്കെ ഷോപ്പിംഗ് നടത്താമോ അതൊക്കെ അവിടെയും കിട്ടുമെന്നാണ് താരം പറയുന്നത്. സൗത്തിന്ത്യന്‍സ് ഏറ്റവും കൂടുതല്‍ ജോലി ചെയ്യുന്നത് ദുബയിലാണ്. അതുകൊണ്ട് പുറത്തിറങ്ങി കറങ്ങുക താരത്തിന് ബുദ്ധിമുട്ടാണ്. 

ഉയരം കൂടുന്തോറും കാഴ്ചയുടെ ഭംഗിയും കൂടും എന്നാണ് താരം പറയുന്നത്. ഇതുവരെ തന്റെ ചിത്രങ്ങളൊന്നും ബുര്‍ജ് ഖലീഫയില്‍ ഷൂട്ട് ചെയ്തിട്ടില്ലെന്നും താരം പറഞ്ഞു. ഇത്രയും മനോഹരമായ സ്ഥലം മാത്രമല്ല ഈ ടവര്‍, വളരെ ശാന്തമാണ്. എല്ലാവര്‍ക്കും അവരവരുടെ സ്വകാര്യതയുണ്ട്. അതുകൊണ്ട് കുടുംബത്തിനൊപ്പം സ്വസ്ഥമായി കഴിയാം- താരം പറഞ്ഞു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha