കബാലിയിലെ രജനിയുടെ നായികയായി അഭിനയിച്ച രാധിക ആപ്‌തേ പാര്‍ച്ച്ഡ് എന്ന ചിത്രത്തില്‍ അഭിനയിച്ച സെക്‌സ് രംഗങ്ങള്‍ സത്യമാണെന്ന് സമ്മതിച്ചു. എന്നാല്‍ ചിത്രം കാണാതെ ചിലര്‍ നടത്തുന്ന അഭിപ്രായ പ്രകടനങ്ങളോട് പ്രതികരിക്കാന്‍ രാധിക തയ്യാറായിട്ടില്ല. ബോളിവുഡ് താരം അജയ് ദേവഗണും അസിംബജാജും ചേര്‍ന്ന് നിര്‍മ്മിച്ച ചിത്രം ടൊറന്റോ ചലച്ചിത്രമേളയില്‍ പ്രദര്‍ശിപ്പിച്ചിരുന്നു. ലീനാ യാദവാണ് സംവിധായിക. ദുരിതപൂര്‍ണമായ ദാമ്പത്യജീവിതം കശക്കിയെറിഞ്ഞ നാലു സ്ത്രീകളുടെ കഥയാണ് സിനിമ പറയുന്നത്. ശൈശവ വിവാഹം, ഭര്‍ത്താവിന്റെ മാനഭംഗം, മദ്യപാനം തുടങ്ങിയ വിഷയങ്ങളാണ് സിനിമ ചര്‍ച്ച ചെയ്യുന്നത്. 

രാധികയുടെ കഥാപാത്രമായ ലജേജാ തന്റെ ദുരിത ജീവിതം വിവരിക്കുന്നതിനിടയില്‍ സ്വയം നഗ്നയാകുന്നതും ആദില്‍ ഹുസൈന്‍ അവതരിപ്പിക്കുന്ന കഥാപാത്രവുമായി സെക്‌സില്‍ ഏര്‍പ്പെടുന്നതുമാണ് രംഗം. പ്രസ്തുത രംഗമാണ് ഓണ്‍ലൈനില്‍ ലീക്കായിരിക്കുന്നത്. ഒരു ദേശീയ മാധ്യമത്തിന് നല്‍കിയ അഭിമുഖത്തില്‍ രാധിക ഇക്കാര്യം വിവരിച്ചു. 

താന്‍ അഭിനയിച്ച സിനിമ കാണണമെന്നു പറഞ്ഞുകൊണ്ടാണ് പ്രതികരണം ആരംഭിച്ചത്. പ്രേക്ഷകര്‍ കാണാത്ത ഒരു സിനിമയിലെ രംഗം ഓണ്‍ലൈനില്‍ ലീക്കാകുമ്പോള്‍ അതിനെ കുറിച്ച് താന്‍ പ്രതികരിക്കുന്നതെന്തിനാണെന്നാണ് ചോദ്യം. എന്നെ എതിര്‍ക്കുന്നവര്‍ക്കുള്ള മറുപടി സിനിമയിലുണ്ടെന്നാണ് രാധികയുടെ അഭിപ്രായം. അതിനര്‍ത്ഥം രാധികയുടെ പുറത്തു വന്ന രംഗങ്ങള്‍ അവര്‍ തന്നെയാണ് അഭിനയിച്ചിരിക്കുന്നത് എന്നാണ്.

സ്ത്രീയോടുള്ള കാഴ്ചപ്പാടില്‍ ധാരാളം മാറ്റങ്ങള്‍ സംഭവിക്കാനുണ്ടെന്നാണ് രാധിക പറയുന്നത്. സ്ത്രീയെ ഒരു ഉപദേശ വസ്തുവായി കാണുന്ന അവസ്ഥയാണ് ഇന്നുള്ളതെന്നും രാധിക പറയുന്നു. എല്ലാവരും അങ്ങനെയല്ലെങ്കിലും കൂടുതല്‍ പേരും അങ്ങനെയാണ്. തന്റെ സിനിമ അത്തരം ആളുകള്‍ക്കുള്ള മറുപടിയായിരിക്കുമെന്നും രാധിക ആപ്‌തേ പറയുന്നു.