രാധിക ആപ്തയുടെ ചൂടന്‍ രംഗ വിഡിയോ ഇന്റര്‍നെറ്റില്‍ പ്രചരിക്കുന്നുണ്ട്. പാര്‍ഷ്ഡ് എന്ന സിനിമയിലെ ഒരു രംഗമാണിത്. യുഎസിലും ഫ്രാന്‍സിലും റിലീസ് ചെയ്ത ചിത്രം ഇന്ത്യയില്‍ ഇതുവരെ എത്തിയിട്ടില്ല. സെന്‍സര്‍ ബോര്‍ഡിനു മുന്നിലേക്ക് എത്തുന്നതിന് മുമ്പാണ് വിഡിയോ പുറത്തായത്.
അവസാനം രാധിക നേരിട്ട് രംഗത്തെത്തി. ദേശീയമാധ്യമത്തിന് നല്‍കിയ അഭിമുഖത്തില്‍ രാധിക തുറന്നു പറയുന്നു.
'ഇത് രണ്ടാം തവണയാണ് ഇതുപോലൊരു അവസ്ഥ എനിക്ക് സംഭവിക്കുന്നത്. ആദ്യം ഒരു ഹ്രസ്വചിത്രത്തിന്റെ വിഡിയോ ആയിരുന്നു. അത് മനഃപൂര്‍വം ആരോ ലീക്ക് ചെയ്തതാണ്. അന്ന് അതെന്നെ ഒരുപാട് വിഷമിപ്പിച്ചു. എന്നെ വേട്ടയാടുകയായിരുന്നു,മാധ്യമങ്ങള്‍ അതുപോലെയുള്ള ചോദ്യങ്ങളാണ് ചോദിച്ചത്. അതൊരു ആഘോഷമായിരുന്നു. പക്ഷേ ആ സിനിമയ്ക്ക് അവാര്‍ഡും ലഭിച്ചു. അതില്‍ എനിക്ക് അഭിമാനമുണ്ട്.
ഇത്തവണത്തേത് ലീക്ക് വിഡിയോ അല്ല. അതില്‍ അമര്‍ഷമില്ല ആരോടും ദേഷ്യവുമില്ല. ഞാനെന്റെ ശരീരത്തിലും സൗന്ദര്യത്തിലും കംഫര്‍ട്ടബിള്‍ ആണ്. മറ്റുള്ളവരുെട സമീപനമാണ് എന്നെ അസ്വസ്ഥയാക്കുന്നത്.
ഒരു സിനിമാ നിര്‍മാതാവ് എന്നെ വിളിച്ച് പറഞ്ഞു. രാധിക ഇങ്ങനെയൊരു ക്ലിപ്പ് ലീക്കായി അത് വൈറലാകുന്നുവെന്ന്... ഞാന്‍ ചോദിച്ചു, എന്ത് ക്ലിപ്പ്... പെട്ടന്നൊരു സ്‌മൈലി അയച്ച് അയാള്‍ ആ വിഡിയോ അയച്ചു തന്നു. അയാളോടൊക്കെ എന്തു പറയാനാണ്.
അതുപോലെ ഒരു മുതിര്‍ന്ന മാധ്യമപ്രവര്‍ത്തകന്‍ അഭിമുഖത്തിന് വിളിച്ചു...'രാധിക പിന്നെയും നിങ്ങളുടെ നഗ്‌ന വിഡിയോ പുറത്തുവന്നിരിക്കുന്നു. അതും നിങ്ങളുടേതായി ഇപ്പോള്‍ രണ്ടാമത്തെ തവണയാണ് ഇത്തരം വിഡിയോ പുറത്തുവന്നിരിക്കുന്നത്.' ഞാന്‍ അപ്പോള്‍ ചിരിക്കുകയാണ് ചെയ്തത്. ഇത്തരം രംഗത്തില്‍ അഭിനയിച്ചതുകൊണ്ട് അങ്ങനെയൊരു വിഡിയോ പുറത്തുവന്നു. എന്നാണ് ഞാന്‍ മറുപടി പറഞ്ഞത്.
ലോകം മറ്റൊരു കണ്ണില്‍ കൂടി നോക്കുന്നത് എന്നെ ഒട്ടും ബാധിക്കില്ല. ലൈംഗികതെയക്കുറിച്ച് സ്ത്രീകള്‍ തന്നെ തുറന്നുപറയാന്‍ തയ്യാറാകണം. ഇന്ത്യയില്‍ ലിംഗഭേദമന്യേ ഒരു മോചനം ആവശ്യമാണ്.
സിനിമയില്‍ നഗ്‌നത ഒരു ആര്‍ട്ട് ഫോം ആണ്. അങ്ങനെയൊരു സാഹചര്യത്തിലാണ് ഈ നഗ്‌നരംഗത്തില്‍ ഞാന്‍ അഭിനയിച്ചതും. ഒരു സിനിമയ്ക്ക് നഗ്‌നത എത്രമാത്രം പ്രാധാന്യമുണ്ടെന്ന് സംവിധായകനും തിരക്കഥാകൃത്തും പറഞ്ഞു മനസ്സിലാക്കിയ ശേഷമാണ് ഈ രംഗത്തില്‍ അഭിനയിക്കാന്‍ തയ്യാറായത്. ഞാന്‍ ഇനിയും നഗ്‌നരംഗങ്ങള്‍ ചെയ്യും. അതില്‍ എന്താണ് ഇത്ര ആഘോഷിക്കാന്‍.'