അടിവസ്ത്രം ഇട്ടോട്ട് മേലാല്‍ വരരുത്... കത്രീനയ്‌ക്കെതിരെ സെന്‍സര്‍ ബോര്‍ഡിന്റെ നിലപാട് കത്തുന്നു
സെന്‍സര്‍ബോര്‍ഡ് കത്തിവയ്ക്കുന്നത് ഇതാദ്യമല്ല. എന്നാല്‍ സിദ്ധാര്‍ത്ഥ് മല്‍ഹോത്രയും കത്രീന കെയ്ഫും അഭിനയിക്കുന്ന ബാര്‍ ബാര്‍ ദേഖോ എന്ന ചിത്രത്തിലെ ഒരു അടിവസ്ത്ര സീന്‍ ആണ് വിവാദത്തിലായിരിക്കുന്നത്. ചിത്രത്തില്‍ നിന്ന് ഈ ബ്രാ രംഗം നീക്കം ചെയ്യണം എന്നാണ് സെന്‍സര്‍ ബോര്‍ഡിന്റെ ആവശ്യം.
എന്നാല്‍ സെന്‍സര്‍ ബോര്‍ഡിനെതിരെ രൂക്ഷ വിമര്‍ശനവുമായി ചിത്രത്തിന്റെ അണിയറ പ്രവര്‍ത്തകര്‍ രംഗത്ത് എത്തിയിട്ടുണ്ട്. 1995 ല്‍ പുറത്തിറങ്ങിയ ദില്‍വാലെ ദുല്‍ഹനിയേ ലേ ജായേംഗേ എന്ന ചിത്രത്തില്‍ പോലും കാജല്‍ ബ്രാ കാണിക്കുന്നുണ്ട്. അന്ന് ആ സിനിമയ്ക്ക് ഒരു സെന്‍സര്‍ ബോര്‍ഡ് പ്രശ്‌നവും ഉണ്ടായിരുന്നില്ല. ഇപ്പോള്‍ കത്രീനയെ അടിവസ്ത്രത്തിന്റെ പേരില്‍ വിലക്കരുതെന്നാണ് ഇവരുടെ ആവശ്യം. അടിവസ്ത്രത്തെ കുറിച്ച് പരസ്യമായി പറയാന്‍ പറ്റാത്ത ഒരു കാലമാണോ ഇത് എന്നാണ് ഈ ചിത്രത്തിന്റെ പ്രവര്‍ത്തകര്‍ ചോദിക്കുന്നത്.
സിനിമയില്‍ സവിത ഭാഭി എന്ന അശ്ലീല കഥാപാത്രത്തിന്റെ പേരും നീക്കം ചെയ്യണം എന്നാണു സെന്‍സില്ലാത്ത സെന്‍സര്‍ ബോര്‍ഡിന്റെ രണ്ടാമത്തെ ആവശ്യം. സണ്ണി ലിയോണ്‍ യാതൊരു സെന്‍സര്‍ കട്ടുമില്ലാതെ സ്വതന്ത്രമായി വിഹരിക്കുന്ന ബോളിവുഡില്‍ പോണ്‍ എന്ന വാക്ക് പറയാന്‍ അവകാശമെന്ത് എന്നാണു ഇവര്‍ സെന്‍സര്‍ ബോര്‍ഡിനോട് ചോദിക്കുന്നത്.
വിവാദം കൊഴുക്കുന്നതിനിടെ ചിത്രത്തിന് ലഭിച്ചത് യുഎ സര്‍ട്ടിഫിക്കറ്റ് ലഭിച്ചു എന്നാണു റിപ്പോര്‍ട്ട്.
https://www.facebook.com/Malayalivartha
