പണ്ഡിറ്റിനെ പനി ചതിച്ചു!
കേരളത്തിലെ യുവാക്കളെ പോലെ സന്തോഷ് പണ്ഡിറ്റും സണ്ണി ലിയോണിന്റെ കടുത്ത ആരാധികയാണ്. അവരോടൊപ്പം ഒരു സിനിമയില് അഭിനയിക്കണം എന്നത് താരത്തിന്റെ വലിയ ആഗ്രഹമാണ്. അതോ നടക്കുന്നില്ല. എന്നാല് 17-ന് അവര് കൊച്ചിയില് വരുന്നെന്ന് അറിഞ്ഞത് മുതല് എങ്ങനെയും നേരില് കാണണമെന്ന് അതിയായ മോഹമുണ്ടായിരുന്നു. പക്ഷെ, പനി വില്ലനായെത്തി.
വയറല് ഫീവര് പിടിപെട്ട താരം ബെഡ് റെസ്റ്റിലാണ്. യോഗമില്ല, അല്ലാതെ എന്ത് പറയാന് എന്നാണ് പണ്ഡിറ്റ് സഹപ്രവര്ത്തകരോട് പറയുന്നത്. കൊല്ലത്ത് മമ്മൂട്ടിയുടെ മാസ്റ്റര് പീസിന്റെ ക്ളൈമാക്സില് അഭിനയിക്കുന്നതിനിടെയാണ് പനി പിടിപെട്ടത്. ഡോക്ടര്മാര് വിശ്രമിക്കാന് നിര്ദ്ദേശിക്കുകയായിരുന്നു.
പനിക്കിടക്കയിലാണെങ്കിലും ചുറ്റുമുള്ള കാര്യങ്ങളെല്ലാം പണ്ഡിറ്റ് ശ്രദ്ധിക്കുന്നുണ്ട്. നാല് ഭാഷകളിലായി നിര്മിക്കുന്ന അഹല്യയില് പണ്ഡിറ്റാണ് നായകന്. ചിത്രത്തിന്റെ ആദ്യ ഷെഡ്യൂള് വര്ക്കലയില് പൂര്ത്തിയാക്കിയ ശേഷമാണ് താരം മമ്മൂട്ടിയുടെ ചിത്രത്തില് ജോയിന് ചെയ്തത്. ഇതിന് പുറമേ സ്വന്തം ചിത്രമായ ഉരുക്ക് സതീശന്റെ ജോലികളും പൂര്ത്തിയാക്കാനുണ്ട്.
മമ്മൂട്ടി തന്നെയാണ് പണ്ഡിറ്റിനെ മാസ്റ്റര് പീസിലേക്ക് ക്ഷണിച്ചത്. ക്യാമ്പസിന്റെ പശ്ചാത്തലത്തില് ഒരുക്കുന്ന സിനിമയിലെ വേഷത്തെ കുറിച്ച് പ്രതികരിക്കാന് പണ്ഡിറ്റ് തയ്യാറായില്ല. അതൊരു സസ്പെന്സായി ഇരിക്കട്ടെ എന്നാണ് താരം പറയുന്നത്. പനി മാറായാലുടന് തമിഴ് ചിത്രത്തില് ജോയിന് ചെയ്യും. അതിന് ശേഷമേ ഉരുക്ക് സതീശന്റെ നിര്മാണപ്രവര്ത്തനങ്ങളുമായി മുന്നോട്ട് പോകൂ.
ഓണം കഴിഞ്ഞേ മാസ്റ്റര് പീസിന്റെ റിലീസ് ഉണ്ടാകൂ. എന്തായാലും ചിത്രം ഒരു തരംഗമാകുമെന്ന് പണ്ഡിറ്റ് പ്രവചിക്കുന്നു. പ്രേക്ഷകമനശാസ്ത്രം അറിയാവുന്ന പണ്ഡിറ്റിനെ പോലെയുള്ള താരങ്ങള് കുറവാണ്.
https://www.facebook.com/Malayalivartha
