ഭര്‍ത്താവ് തണുപ്പനാണെങ്കില്‍ ദാമ്പത്യത്തിന് എന്ത് പ്രസക്തിയെന്ന് നടി ശ്രുതി ഹാസന്‍. ഒരു തമിഴ് പത്രത്തിന് നല്‍കിയ അഭിമുഖത്തിലാണ് താരം ഇക്കാര്യം വ്യക്തമാക്കിയത്. ആരെയാണ് വിവാഹം കഴിക്കുന്നതെന്ന് അറിയില്ല. വിവാഹം കഴിഞ്ഞ ശേഷം രണ്ട് പേരും കൂടി എങ്ങനെയാണ് ഒരു പ്രശ്‌നം പരിഹരിക്കുക എന്നറിയില്ലെന്നും താരം പറയുന്നു. എല്ലാ വിഷയങ്ങളിലും രണ്ട് പേരും എങ്ങനെ പൊരുത്തപ്പെട്ട് പോകുമെന്നും താരം ചോദിക്കുന്നു. ഇതുപോലുള്ള നിരവധി ചോദ്യങ്ങളും ആശങ്കകളും തനിക്കുണ്ടെന്നും താരം പറയുന്നു. നൂറ് കോടി കളക്റ്റ് ചെയ്ത നാല് ചിത്രങ്ങളില്‍ നായികയായതിന്റെ സന്തോഷം പങ്കുവയ്ക്കാനും താരം മറന്നില്ല. 

അടുത്തിടെ ഒരു അഭിമുഖത്തില്‍ മാതൃത്വം ഇഷ്ടമാണെന്ന് പറഞ്ഞത് പൊല്ലാപ്പായെന്നും ശ്രുതി ചൂണ്ടിക്കാട്ടി. പ്രസവിക്കാന്‍ താല്‍പര്യമില്ലാത്ത, അമ്മയാകാന്‍ ഇഷ്ടപ്പെടാത്ത പലരുമുണ്ടിവിടെ. ഞാന്‍ അത്തരക്കാരിയല്ല. എനിക്ക് കുഞ്ഞുങ്ങളെ ഏറെ ഇഷ്ടമാണ്. എന്ന് പറഞ്ഞപ്പോള്‍ വിവാഹം കഴിക്കാതെ അമ്മയാകാന്‍ ആഗ്രഹമുണ്ടെന്ന് എഴുതിപ്പിടിപ്പിച്ചു. അതായത് ഞാന്‍ പറഞ്ഞ രണ്ട് കാര്യങ്ങളും മിക്‌സ് ചെയ്താണ് അവര്‍ പ്രസിദ്ധീകരിച്ചത്. അപ്പോള്‍ ഞാന്‍ നിരപരാധിയല്ലേ..? താരം ചോദിക്കുന്നു. 

പിന്നെ തന്റെ മൂക്കിന് ശസ്ത്രക്രിയ നടത്തിയപ്പോള്‍ അത് അന്താരാഷ്ട്ര പ്രശ്‌നമായാണ് ചില മാധ്യമങ്ങള്‍ ഏറ്റുപിടിച്ചതെന്നും താരം കുറ്റപ്പെടുത്തി. നടിമാരും മനുഷ്യരാണ്. അവര്‍ക്ക് പല പ്രശ്‌നങ്ങളും കാണും. എല്ലാം നാട്ടുകാരോട് പറയാനൊക്കുമോ. ആര്‍ടിസ്റ്റ് അല്ലാത്ത ഒരാളോട് എന്തുകൊണ്ട് ഷേവ് ചെയ്തില്ല, ഹെയര്‍ സ്‌റ്റൈല്‍ ഇങ്ങനെ മാറ്റാന്‍ കാരണമെന്താണ്. എന്നൊക്കെ ചോദിക്കാന്‍ പറ്റുമോ..? പ്രൊഫഷന്റെ ഭാഗമയാണ് ശസ്ത്രക്രീയയും മറ്റും ചെയ്യുന്നത്. അതൊക്കെ ഇങ്ങനെ ആഘോഷിക്കേണ്ട കാര്യമില്ല. നാട്ടില്‍ വേറെ ഒരുപാട് കാര്യങ്ങള്‍ നടക്കുന്നുണ്ടെന്നും താരം ഓര്‍മിപ്പിച്ചു.