മൂന്നാം വിവാഹ വാര്‍ഷികത്തില്‍ പ്രണയത്തെക്കുറിച്ച് വാചാലയായി ശ്രേയ ഘോഷാല്‍. ഫെയ്‌സ്ബുക്ക് പോസ്റ്റില്‍ സ്‌കൂളിലെ പൂര്‍വ്വ വിദ്യാര്‍ത്ഥി സംഗമത്തില്‍ കണ്ട അന്നു മുതല്‍ തുടങ്ങിയ പ്രണയത്തെ കുറിച്ച് ശ്രേയ പറയുന്നു. ഞാനൊരു ചെറിയ പെണ്‍കുട്ടിയും നിങ്ങള്‍ ചെറിയൊരു ആണ്‍ കുട്ടിയും മാത്രമായിരുന്നു അക്കാലത്ത്.

സ്‌കൂളിലെ പൂര്‍വ്വവിദ്യാര്‍ത്ഥി സംഗമത്തില്‍ തീര്‍ത്തും അപരിചതരെ പോലെ കണ്ടുമുട്ടി. പക്ഷേ ആദ്യ കൂടിക്കാഴ്ചയില്‍ തന്നെ നമ്മളിരുവരുടെയും ഹൃദയത്തെ ചേര്‍ത്തുനിര്‍ത്തുന്നതെന്തോ സംഭവിക്കുകയായിരുന്നു.

സിനിമയില്‍ കണ്ട, നോവലുകളില്‍ വായിച്ച പ്രണയത്തിലൊന്നും യാഥാര്‍ഥ്യമുണ്ടെന്ന് ഞാന്‍ കരുതിയിരുന്നേയില്ല. പക്ഷേ കഴിഞ്ഞ മൂന്നു വര്‍ഷങ്ങള്‍ക്കിടയില്‍ അതിലെല്ലാം സത്യമുണ്ടെന്നു ഞാന്‍ മനസ്സിലാക്കുകയായിരുന്നു. ശ്രേയ കുറിച്ചു.