താന് ഒരു തമിഴ് മലയാളി പെണ്കുട്ടിയാണ്... അരങ്ങേറ്റവും ഇവിടുന്ന് മതി
മോഡേണ് സില്ക്ക് സ്മിത, ആഞ്ജലീന ജോളി എന്നൊക്കെ ചന്ദ്രികാ രവി പാതി മലയാളിയും പാതി തമിഴ്നാട്ടുകാരിയുമാാണ്. ഓസ്ടേലിയയിലെ മെല്ബണിലാണ് ചന്ദ്രിക ജനിച്ചു വളര്ന്നത്. കുഞ്ഞുനാള് മുതലെ നൃത്തം പഠിക്കുന്ന ചന്ദ്രിക വലുതായപ്പോള് മോഡലിങ്ങിലും ചുവടുറപ്പിച്ചു. മിസ് വേള്ഡ് ഓസ്ട്രേലിയ, മിസ് ഇന്ത്യ ഓസ്ട്രേലിയ, മിസ് മാക്സിം ഇന്ത്യ തുടങ്ങീ നിരവധി മത്സരങ്ങളില് പങ്കെടുത്ത് നിരവധി ടൈറ്റിലുകള് നേടി. ഇപ്പോള് സിനിമയിലും ഭാഗ്യം പരീക്ഷിക്കാനിറങ്ങുകയാണ് ചന്ദ്രിക.
രണ്ട് തമിഴ് പടങ്ങളില് ഒന്നിച്ചാണ് ചന്ദ്രിക അഭിനയിക്കുന്നത്. ബോളിവുഡില് നിന്നുള്ള അവസരങ്ങള് വേണ്ടെന്നു വച്ചാണ് ചന്ദ്രിക തമിഴില് അരങ്ങേറ്റത്തിനിറങ്ങുന്നത്. താന് ഒരു തമിഴ് മലയാളി പെണ്കുട്ടി ആയതു കൊണ്ടു തന്നെ തമിഴോ മലയാളമോ സിനിമയിലൂടെ മാത്രമേ അരങ്ങേറ്റം നടത്തൂ എന്നുറപ്പിച്ചിരുന്നതായി ചന്ദ്രിക പറയുന്നു. ന്യൂയോര്ക്ക് ഫിലിം അക്കാദമിയിലും മര്ഡോക്ക് സ്ക്കൂളിലും നിന്ന് അഭിനയത്തില് ഡിപ്ലോമയും കൊണ്ടാണ് ചന്ദ്രികയുടെ വരവ്.
മോഡേണ് സില്ക്ക് സ്മിതയെന്നും ആഞ്ജലീന ജോളി എന്നും എമി ജാക്സണെന്നും മറ്റുള്ളവര് തന്നെ സംബോധന ചെയ്യുമ്പോള് ഞാന് ആ വിളി ആസ്വദിക്കുന്നുണ്ടെന്ന് ചന്ദ്രിക. രാജ് ബാബുവിന്റെ സെയ് ആണ് ചന്ദ്രികയുടെ ആദ്യ സിനിമ. അതിനു ശേഷം സന്തോഷ് പി ജയകുമാര് സംവിധാനം ചെയ്യുന്ന ഇരുട്ടറയില് മുരട്ടു കുത്ത് എന്ന സിനിമയില് അഭിനയിക്കും.
ഇത് അഡല്റ്റ് ഹ്യൂമര് ഗണത്തിലുള്ള സിനിമയാണ്.ഈ വര്ഷാവസാനം രണ്ടു സിനിമകളും പുറത്തിറങ്ങും. സൗന്ദര്യവും ആത്മവിശ്വാസവും ആവോളം കൈമുതലായുള്ള ചന്ദ്രികക്ക് ഈ രംഗത്ത് നല്ല ഭാവിയുണ്ടെന്നാണ് സിനിമാക്കാര് കരുതുന്നത്.
https://www.facebook.com/Malayalivartha