വിവാഹത്തിന് മുന്‍പുള്ള ലൈംഗികബന്ധം ഒരു കുറ്റകൃത്യമൊന്നുമല്ല. എനിക്ക് അതിനോട് താല്‍പര്യമില്ല. വെറുതെ ഒരു സുഖത്തിന് വേണ്ടിയാണെങ്കില്‍ അത് ശരിയല്ല. ഒരു ഇമോഷന്‍ വേണമെന്ന് നടി ഗായത്രി സുരേഷ്. നേരത്തെ സീരിയലിനെക്കുറിച്ച് വീഡിയോ ചെയ്ത് ഫെയ്‌സ്ബുക്കിലിട്ടതിന് പിന്നാലെ വലിയ വിമര്‍ശനങ്ങളും അധിക്ഷേപങ്ങളും ഏല്‍ക്കേണ്ടി വന്നിരുന്നു.

അതിന് ശേഷം കുറേ നാളത്തേക്ക് വീഡിയോ ഒന്നും ചെയ്തിരുന്നില്ല. ഇപ്പോള്‍ വീണ്ടും ഇന്‍സ്റ്റഗ്രാമില്‍ വീഡിയോ പോസ്റ്റ് ചെയ്യാനൊക്കെ തുടങ്ങിയിട്ടുണ്ട്. തെറി വിളിക്കുന്നവര്‍ അത് ചെയ്യട്ടെ. എന്നെ കല്ലെറിയുന്നവരുടെ കൈ വേദനിക്കും എന്നല്ലാതെ എനിക്കൊന്നും സംഭവിക്കില്ലെന്ന് ഈയിടയ്ക്കാണ് തിരിച്ചറിഞ്ഞതെന്നും ഗായത്രി പറഞ്ഞു.

സൗത്ത് ഇന്ത്യന്‍ ബാങ്കില്‍ ഉദ്യോഗസ്ഥയായ ഗായത്രി ഇപ്പോള്‍ ലീവിലാണ്. ഉടന്‍ തന്നെ തിരിച്ചു കയറണമെന്നും അവിടെ കുറച്ച് ജോലികള്‍ ബാക്കിയുണ്ടെന്നും ഗായത്രി പറയുന്നു. എനിക്ക് തൃശൂര്‍ സ്ലാങ് മാത്രമെ സംസാരിക്കാന്‍ അറിയു എന്നാണ് എല്ലാവരുടെയും ധാരണ. അതുകൊണ്ടാണ് അങ്ങനത്തെ കഥാപാത്രങ്ങള്‍ മാത്രം ചെയ്യേണ്ടി വരുന്നത്.

മെക്‌സിക്കന്‍ അപരാതയിലും ജമ്‌നാപ്യാരിയിലും തൃശൂര്‍ ഭാഷ തന്നെ ആയിരുന്നത് കൊണ്ട് ഞാന്‍ തന്നെയാണ് ഡബ്ബ് ചെയ്തത്. മറ്റ് സിനിമകളിലൊക്കെ വേറെ ആളുകളാണ് ഡബ്ബ് ചെയ്തിരിക്കുന്നത്. ഇനി വരാന്‍ പോകുന്ന കല വിപ്ലവം പ്രണയത്തില്‍ ഞാന്‍ തന്നെയാണ് ഡബ്ബ് ചെയ്തിരിക്കുന്നതെന്നും ഗായത്രി പ്രമുഖ മാധ്യമത്തിന് കടുത്ത അഭിമുഖത്തിൽ പറയുന്നു.