പപ്പിയുടെ ഒന്നാം പിറന്നാൾ കേക്ക് മുറിച്ച് ആഘോഷിച്ച താരത്തിന് ആരാധകരുടെ പൊങ്കാല
സിനിമ ലോകത്തെ താരങ്ങൾ വ്യത്യസ്തമായി എന്തൊക്കെ ചെയ്യാൻ കഴിയുമെന്ന് നോക്കുന്നവരാണ്. താരങ്ങൾ എന്ത് ചെയ്താലും അത് വളരെ വേഗത്തിൽ വൈറലാകുകയും ചെയ്യും. ഈയടുത്ത് നടി നമിത പ്രമോദ് തന്റെ പട്ടികുട്ടിയുടെ ഒന്നാം പിറന്നാൾ കേക്ക് മുറിച്ചാണ് ആഘോഷിച്ചത്. കേക്ക് മുറിക്കുന്ന ദൃശ്യങ്ങൾ തന്റെ ഫേസ്ബുക്ക് പേജിൽ താരം തന്നെ പങ്കുവയ്ക്കുകയും ചെയ്തിരുന്നു. ദൃശ്യങ്ങൾ വൈറലായതോടെ താരത്തിന് പൊങ്കാലയിടുകയാണ് ആരാധകർ. ദൃശ്യങ്ങൾ കണ്ട് ആരാധകരിലേറെയും താരത്തിന് പ്രതികൂലമായാണ് രംഗത്തെത്തിയിരിക്കുന്നത്.
ഒരു നേരത്തെ ഭക്ഷണം കഴിക്കാൻ പോലും നിവർത്തിയില്ലാത്ത എത്രയോ പാവങ്ങൾ കിടപ്പുണ്ട് അവർക്ക് ആദ്യം എന്തെങ്കിലും കൊടുക്ക്, ഇതുപോലുള്ള വീഡിയോസ് പോസ്റ്റ് ചെയ്യരുത് നിങ്ങളെപോലുള്ള സമൂഹത്തിൽ അറിയപ്പെടുന്ന ഒരു വ്യക്തി ഇതുപോലെ ചെയ്യാൻ പാടുള്ളതല്ല ചില കാര്യങ്ങൾ സമൂഹത്തിൽ മറയ്ക്കേണ്ടിവരും അത് അങ്ങിനെതന്നെയാവണം തുടങ്ങീ വീഡിയോ ദൃശ്യങ്ങൾക്ക് താഴെ പ്രതികൂലമായ പല കമന്റുകളും പ്രത്യക്ഷപ്പെട്ടു. നമിതയെ കുറ്റം പറയുന്ന എത്ര പേർ തെരുവിൽ ഇറങ്ങി പാവങ്ങൾക്ക് ആഹാരം കൊടുക്കുന്നു. പറയാൻ എല്ലാർക്കും അറിയാം കമന്റ് ഇട്ട സമയത്തു നിങ്ങളൊക്കെ തെരുവിൽ ഇറങ്ങി നല്ലത് ചെയ്യൂ അല്ലാതെ ഒരു നടിയുടെ പ്രവർത്തിയിൽ വാചാലൻ ആവുകയല്ല വേണ്ടത്, ആഘോഷിക്കുന്നതൊക്കെ അവരവരുടെ വ്യക്തിപരമായ തീരുമാനമാണെന്നും മറ്റും നമിതയെ അനുകൂലിക്കുന്നവരും ചുരുക്കമല്ല.
https://www.facebook.com/Malayalivartha