പെണ്‍കുട്ടികള്‍ എന്തിനാണ് രാത്രിയില്‍ യാത്ര ചെയ്യുന്നതെന്ന് നടി ആക്രമിക്കപ്പെട്ട സംഭവത്തെക്കുറിച്ചുള്ള ചോദ്യത്തിന് പ്രതികരിച്ച് നടി ഷീല. ഒരു പ്രമുഖ മാധ്യമത്തിന് നല്‍കിയ അഭിമുഖത്തിലാണ് ഷീല പ്രതികരിച്ചത്. സംഭവം അറിഞ്ഞപ്പോള്‍ മലയാള സിനിമയെ സംബന്ധിച്ച് നിര്‍ഭാഗ്യകരമായ ഒരു അനുഭവം എന്നേ പറയാനാകു.

ഇതിന്റെ പിന്നിലെ വാര്‍ത്തകളുടെ ശരി തെറ്റുകളെപ്പറ്റിയൊന്നും തനിക്കറിയിയില്ലെന്ന് പറഞ്ഞ് പറഞ്ഞ ഷീല ഈ വിഷയത്തില്‍ ഒരു കാര്യം തനിക്ക് വ്യക്തമാക്കാനുണ്ടെന്ന് പറഞ്ഞ ശേഷമായിരുന്നു സ്ത്രീകളുടെ രാത്രി യാത്രകളെപ്പറ്റിയുള്ള പരാമര്‍ശം നടത്തിയത്.

ഈ രാത്രി യാത്രകള്‍ ഒഴിവാക്കണം. എന്തിനാണ് പെണ്‍കുട്ടികള്‍ രാത്രിയില്‍ ഒറ്റയ്ക്കു യാത്ര ചെയ്യുന്നത്. ഞാനൊന്നും എന്റെ അമ്മയോ സഹോദരിമാരോ അടുപ്പമുള്ള ആരെങ്കിലും ഇല്ലാതെയോ യാത്ര ചെയ്തിട്ടേയില്ല. സമൂഹത്തെ ഒറ്റദിവസം കൊണ്ട് നന്നാക്കാനൊന്നും പറ്റില്ല.

അപ്പോള്‍ നമ്മള്‍ കുറച്ചു സൂക്ഷിക്കണം. ഈ സംഭവം മാത്രമല്ല ജഗതിയ്ക്കും മോനിഷയ്ക്കും അപകടമുണ്ടായത് രാത്രിയിലാണ്. എത്ര കഴിവുള്ള ആളുകളായിരുന്നുവെന്നും ഷീല പറഞ്ഞു.