തെന്നിന്ത്യൻ താര സുന്ദരി സമന്ത ഈയടുത്ത് തന്റെ ഒരു ബിക്കിനി ചിത്രം ഇന്‍സ്റ്റാഗ്രാമില്‍ പോസ്റ്റ് ചെയ്തിരുന്നു. കിടന്നുകൊണ്ടുള്ള ബിക്കിനി ചിത്രം ആരാധകർക്ക് അത്ര ഇഷ്ടപ്പെട്ടില്ല. അക്കിനേനി കുടുംബത്തിലെ പെണ്ണ് ഇങ്ങനെയൊന്നും പാടില്ലെന്നും ഇത് സംസ്‌കാരത്തിന് യോജിക്കാത്തതാണെന്നുമൊക്കെയായിരുന്നു ആരാധകരുടെ കമന്റുകള്‍. സമന്ത വിമർശനങ്ങൾ കേട്ട് മിണ്ടാതിരുന്നില്ല. പകരം വിമർശിച്ചവർക്ക് ചുട്ട മറുപടി തന്നെ കൊടുത്തു.

‘എന്റെ നിയമങ്ങള്‍ എഴുതുന്നത് ഞാനാണ്. എന്റെ നിയമം നിങ്ങള്‍ എഴുതേണ്ട, നിങ്ങള്‍ നിങ്ങളുടേത് തന്നെ എഴുതിയാല്‍ മതി'- സമന്ത പ്രതികരിച്ചു. സമന്തയെ അനുകൂലിച്ചും ചില ആരാധകർ രംഗത്തെത്തിയിരുന്നു. ബിക്കിനി ചിത്രം പോസ്റ്റു ചെയ്യുമ്പോൾ ആളുകൾ എന്തിനാണ് മോശമായി പെരുമാറുന്നതെന്നും ഓരോരുത്തരുടെ വ്യക്തിപരമായ കാര്യമാണതെന്നും ചില ആരാധകർ പറയുന്നു.