കഴിഞ്ഞ ദിവസം സോഷ്യൽ മീഡിയയെ ഏറെ ഇളക്കിമറിച്ച സോങാണ് ഒമർ ലുലുവിന്റെ എറ്റവും പുതിയ സിനിമയായ അഡാർ ലവ്വിലെ മാണിക്യ മലരായ പൂവേ. ഇത് ഒരു പഴയ മാപ്പിള പാട്ടിൽ നിന്ന് കടമെടുത്ത സോങ് ആണ്.

വിനീത് ശ്രീനിവാസനാണു ഗാനം ആലപിച്ചിരിക്കുന്നത്. ഇതിനോടകം തന്നെ പാട്ടിന് 22 ലക്ഷത്തിൽ അധികം വ്യൂവേഴ്സ് കഴിഞ്ഞിരിക്കുന്നു. ഈ ഗാനത്തില്‍ ഏറ്റവും കൂടുതല്‍ തിളങ്ങിയത് പ്രിയ വാര്യര്‍ ആണ്.

ഒറ്റ ഗാനം കൊണ്ട് ഒറ്റ രാത്രി കൊണ്ട് ട്രോളുകളിലെയും വാട്ട്സാപ്പ് സ്റ്റാറ്റസിലെയും രാജ്ഞിയായി മാറിയത്. പാട്ടിനിടിയിലെ അവളുടെ ഭാവപ്രകടനങ്ങളെല്ലാം എത്ര കണ്ടിട്ടും മതിവരാത്തൊരു പ്രണയചിത്രം പോലെ മനസ്സിൽ കയറിക്കൂടി.

പാട്ടിന് കുറേ റീമിക്‌സുകളും ഇതിനോടകം പുറത്തിറങ്ങി. പാട്ടിലെ രംഗങ്ങള്‍ കോര്‍ത്തിണക്കി പഴയ ഹിറ്റ് പ്രണയഗാനങ്ങള്‍ പിന്നണിയില്‍ ചേര്‍ത്തുള്ള റീമിക്‌സ് വിഡിയോകളും നിരവധി.

പ്രിയയുടെ വാക്കുകളിലേക്ക്...

'ഒറ്റ ദിവസം കൊണ്ട് ഇത്രയൊക്കെ സംഭവിക്കുമെന്ന് ഞാന്‍ കരുതിയില്ല. പാട്ട് പുറത്തിറങ്ങിയത് മുതല്‍ ഒരുപാട് പേര്‍ എന്നെ വിളിച്ച്‌ അഭിനന്ദിച്ചു. ഓഡിഷന്‍ വഴിയാണ് സിനിമയിലെത്തിയത്. എനിക്ക് ആദ്യം ലഭിച്ചത് ഒരു ചെറിയ വേഷം ആയിരുന്നു. പിന്നീട് എന്റെ മനറിസം കണ്ടിട്ടാണോ എന്നറിയില്ല ഒമര്‍ ഇക്ക ഒരു പ്രധാന റോള്‍ തന്നു. വിമല കോളേജില്‍ ബികോം ആദ്യവര്‍ഷ വിദ്യാര്‍ഥിനിയാണ്.

ഞാന്‍. ഒമറിക്ക പറഞ്ഞിട്ടാണ് ഞാന്‍ പുരികം ഉയര്‍ത്തിയതും കണ്ണിറുക്കി കാണിച്ചതും. എനിക്ക് പറ്റുമെന്ന് കരുതിയില്ല. പക്ഷേ ട്രൈ ചെയ്തപ്പോള്‍ നന്നായി വന്നു. ആ രംഗം നേരത്തേക്കൂട്ടി തീരുമാനിച്ചതല്ല. സിനിമയുടെ ഫസ്റ്റ് ഷെഡ്യൂള്‍ മത്രമേ കഴിഞ്ഞിട്ടുള്ളൂ. ഒമറിക്ക സൂപ്പറാണ്.'