വിവാഹത്തോടെ സിനിമയില്‍ നിന്നും അപ്രത്യക്ഷമായ നായികമാരിൽ ഒരാളാണ് മുക്ത. വിവാഹം കഴിഞ്ഞത് മുതല്‍ താരത്തിന്റെ തിരിച്ചുവരവിനായി കാത്തിരിക്കുകയാണ് ആരാധകര്‍. സഹോദരന് വേണ്ടി മുക്തയെ വിവാഹമാലോചിച്ചത് റിമി ടോമിയാണ്. നേരത്തെ തന്നെ റിമിയും മുക്തയും നല്ല സൗഹൃദത്തിലായിരുന്നു. സഹോദര ഭാര്യയായി എത്തിയപ്പോള്‍ അത് കുറച്ചൂടെ കൂടി.

താരങ്ങളുടെ വിവാഹത്തിലും മറ്റുമായി മുക്ത തന്റെ സാന്നിധ്യം അറിയിക്കാറുണ്ട്. സോഷ്യല്‍ മീഡിയയിലും മുക്ത ഏറെ സജീവമാണ്. ഫേസ്ബുക്കിലൂടെ വിശേഷങ്ങള്‍ പങ്കുവെക്കാറുണ്ട്. ടെലിവിഷന്‍ രംഗത്തു നിന്നും സിനിമയിലേക്കെത്തി താരമായി മാറിയ അഭിനേത്രിയാണ് മുക്ത. അഭിനേത്രി മാത്രമല്ല നല്ലൊരു നര്‍ത്തകി കൂടിയാണ് ഈ താരം. സ്റ്റേജ് പരിപാടികളില്‍ കിടിലന്‍ നൃത്തച്ചുവടുകളുമായി താരം നിരവധി തവണ പ്രേക്ഷകരെ വിസ്മയിപ്പിച്ചിരുന്നു. അമൃത ടിവിയില്‍ പ്രക്ഷേപണം ചെയ്ത സ്വരം എന്ന പരമ്പരയിലൂടെയാണ് മുക്ത അഭിനയ ജീവിതത്തിന് തുടക്കം കുറിക്കുന്നത്.

ഇപ്പോൾ സോഷ്യൽ മീഡിയയിൽ നാത്തൂന്മാരുടെ പുകഴ്ത്തലാണ് വൈറലായിരിക്കുന്നത്. മുക്തയുടെ പുതിയ ബ്യൂട്ടി പാർലർ വിശേഷങ്ങളാണ് റിമി ഫേസ്ബുക്കിലൂടെ പങ്കുവച്ചത്. വീട്ടുകാരുടെ കാര്യമാണെങ്കിലും നല്ലതെന്ന് തോന്നിയാൽ അത് പറയണമല്ലോ...ഞാൻ ഇതുവരെ പുറത്തുള്ള പാർലറുകളിലൊക്കെയാണ് പൊയ്ക്കൊണ്ടിരുന്നത്. ഇപ്പോൾ മുക്തയുടെ പുതിയ ബ്യൂട്ടിപാർലർ മുക്താസ് ഫേഷ്യൽ കെയർ വീടിന്റെ അറ്റ്മോസ്ഫിയറിൽ തുടങ്ങിരിക്കുകയാണ്. ഒരു പ്രാവശ്യം വന്നാൽ വീണ്ടും വീണ്ടും വരൻ തോന്നുമെന്ന് റിമി ഗ്യാരന്റി പറയുന്നുണ്ട്. സിബി മലയിൽ സാറിന്റെ മകളുടെ വിവാഹ ചടങ്ങിന് പോകാൻ തന്നെ മുക്തയാണ് സിമ്പിൾ ആയി അണിയിച്ചൊരുക്കിയതെന്ന് റിമി പറയുന്നു.

ഗായികയും അഭിനേത്രിയും അവതാരകയുമായ നാത്തൂനെ അണിയിച്ചൊരുക്കിയതിന്റെ സന്തോഷം മുക്ത ഫേസ്ബുക്കിലൂടെ പങ്കുവെച്ചിരുന്നു. സോഷ്യല്‍ മീഡിയയിലൂടെ താരത്തിന്റെ പോസ്റ്റ് വൈറലായിക്കൊണ്ടിരിക്കുകയാണ്. നാത്തൂനില്‍ നിന്നും ഒരുപാട് കാര്യങ്ങള്‍ പഠിച്ചിട്ടുണ്ട്. ജീവിതത്തിലെ നല്ല സമയത്ത് മാത്രമല്ല മോശം സമയത്തും റിമി മുഴുവന്‍ പിന്തുണയുമായി ഒപ്പമുണ്ടായിരുന്നു. ഇതിലും നല്ലൊരു നാത്തൂനെ ഇനി കിട്ടാനില്ലെന്നും മുക്ത കുറിച്ചിട്ടുണ്ട്.