പോസ്റ്റൽ ഡിപ്പാർട്ട്മെന്റിന്റെ പരസ്യത്തിൽ മലയാളത്തിലെ സൂപ്പർ കുഞ്ചാക്കോ. ഉത്തരേന്ത്യയിൽ പുറത്തിറങ്ങുന്ന ഹിന്ദുസ്ഥാൻ ജോബ് സെർച്ച് എന്ന ഹിന്ദി പത്രത്തിലാണ് താരത്തിന്റെ ചിത്രം അച്ചടിച്ചു വന്നത്. താരത്തിന്റെ ഒരിടത്തൊരു പോസ്റ്റ്മാൻ എന്ന ചിത്രത്തിലെ രംഗമാണ് പത്രത്തിന്റെ ഒന്നാം പേജിൽ അടിച്ചു വന്നത്. തന്റെ പടം കണ്ട മലയാള സിനിമാ താരം കുഞ്ചാക്കോ ബോബൻ ശരിക്കും ഞെട്ടിക്കാണും.

സംഭവത്തിന്റെ ട്വിസ്റ്റ് മറ്റൊന്നാണ് എന്ത് നടന്നാലും അതിനെയെല്ലാം കിടിലൻ ട്രോളാക്കി മാറ്റുന്ന മലയാളികൾ സംഗതി ഏറ്റെടുത്തു കഴിഞ്ഞു. മലയാളത്തിൽ മാത്രമല്ല, തനിക്ക് അങ്ങ് ബോളിവുഡിലും പിടിയുണ്ടെന്ന് ചാക്കോച്ചൻ ഇതിലൂടെ തെളിയിച്ചെന്ന് ട്രോളൻമാർ പറയുന്നു. സംഭവം രസകരമായി തന്നെ എടുത്തേക്കുകയാണ് താരവും.

ബിഹാർ, ജാർഖണ്ഡ്, ഉത്തർ പ്രദേശ്, ഉത്തരാഖണ്ഡ്, ഡൽഹി എന്നീ സ്ഥലങ്ങളിൽ പ്രസിദ്ധീകരിക്കുന്ന തൊഴിൽ വാരികയാണ് ഹിന്ദുസ്ഥാൻ ജോബ് സെർച്ച്.