കേരളത്തിലും ഇന്ത്യയിലും മാത്രമല്ല ഈജിപ്തിലും പാകിസ്താനിലും വരെ പ്രിയയ്ക്ക് ആരാധകർ ഏറെ.. കോലാഹലങ്ങള് കൂടിയപ്പോൾ അവളെ ഇപ്പോൾ ഹോസ്റ്റലില് അയച്ചിരിക്കുകയാണ്... കാര്യകാരണങ്ങള് വിശദീകരിച്ച് പ്രിയയുടെ അമ്മ പ്രീത
ഒമര് ലുലുവിന്റെ അഡാര് ലവ് എന്ന ചിത്രത്തിന്റെ നായികയാണ് പ്രിയാ വാര്യര്. സിനിമയുടെ ഷൂട്ടിങ് തുടങ്ങിയതേ ഉള്ളൂ. എന്നിട്ടും പ്രിയ വാര്യര് എന്ന ഈ കൊച്ചു സുന്ദരി വളരെ പെട്ടെന്നാണ് ലോകം മുഴുവനും ഫാന്സിനെ സൃഷ്ടിച്ചത്. ഒറ്റ ഗാനം കൊണ്ട് ഒറ്റ രാത്രി കൊണ്ട് ട്രോളുകളിലെയും വാട്ട്സാപ്പ് സ്റ്റാറ്റസിലെയും രാജ്ഞിയായി മാറിയത്. ആ ഗാനം ഇത്രയേറെ തരംഗമാകാന് കാരണം പ്രിയ വാര്യര് എന്ന നടിയുടെ മുഖത്തെ ക്യൂട്ട് ഭാവങ്ങളുമായിരുന്നു.
ഈ വീഡിയോ തരംഗമായതിനു പിന്നാലെ ഇന്ത്യയ്ക്ക് അകത്തും പുറത്തുമുള്ള നിരവധി പേര് അന്വേഷിച്ചത് പ്രിയയുടെ പ്രതികരണമായിരുന്നു. എന്നാല്, കേരളത്തിലും ഇന്ത്യയിലും മാത്രമല്ല ഈജിപ്തിലും പാകിസ്താനിലും വരെ പ്രിയയ്ക്ക് ആരാധകരുണ്ടായിക്കഴിഞ്ഞു എങ്കിലും ഒരു പരസ്യ പ്രതികരണത്തിനോ അഭിമുഖത്തിനോ ഈ പതിനെട്ടുകാരി തയ്യാറായിട്ടില്ല.
അതിന്റെ കാര്യകാരണങ്ങള് വിശദീകരിക്കുകയാണ് പ്രിയയുടെ അമ്മ പ്രീത. ഒരു അഭിമുഖവും നല്കരുതെന്ന് സംവിധായകന്റെ കര്ശന നിര്ദേശമുണ്ട്. ചിത്രം റിലീസ് ചെയ്തതിനുശേഷം മാത്രമേ അഭിമുഖം നല്കേണ്ടതുള്ളൂവെന്നാണ് അദ്ദേഹം പറഞ്ഞത്. ചിത്രത്തിന്റെ ഷൂട്ടിങ് തുടങ്ങിയതേയുള്ളൂ. കുറച്ചുഭാഗം മാത്രമേ ചിത്രീകരിച്ചിട്ടുള്ളൂ.
ഈ ബഹളവും ഒച്ചപ്പാടും കാരണം പ്രിയയെ ഹോസ്റ്റലിലേക്ക് അയച്ചിരിക്കുകയാണ് എന്നാണ് അമ്മ പറയുന്നത്. ഇങ്ങനെയൊന്നും സംഭവിക്കുമെന്ന് കരുതിയതേയില്ലയെന്നാണ് പ്രീത പറയുന്നത്. അവള്ക്ക് അഭിനയിക്കാന് ഇഷ്ടമായിരുന്നു. അതുകൊണ്ട് ഓഡീഷനു കൊണ്ടുപോയി. ഇതേ ടീം വിളിച്ച മറ്റൊരു ഓഡീഷന് കഴിഞ്ഞവര്ഷം പോയിരുന്നു. പ്ലസ് ടു വിദ്യാര്ഥിയായിരുന്നപ്പോള്. ആ ചിത്രത്തിലേക്കും അവര് അവളെ സെലക്ട് ചെയ്തിരുന്നു. എന്നാല് ഷൂട്ടിങ് പരീക്ഷാ വേളയിലായിരുന്നതിനാല് അവള്ക്ക് അതിനു പോകാനായില്ല. അടുത്ത തവണ വിളിക്കുമ്പോള് വരണമെന്നും അവര് പറഞ്ഞിരുന്നു.
https://www.facebook.com/Malayalivartha