കണ്ണിറുക്കികൊണ്ടുള്ള ആ ചിരി; ഇത്തിക്കരപക്കിയുടെ വേഷത്തിലെ മോഹൻലാലിൻറെ പുതിയ ലുക്ക് വൈറലാകുന്നു
നിവിന് പോളി നായകനാകുന്ന റോഷന് ആന്ഡ്രൂസ് ചിത്രത്തില് കള്ളന് കൊച്ചുണ്ണിയുടെ സഹവര്ത്തിയായ ഇത്തിക്കരപ്പക്കിയായി വേഷമിടുന്നത് മോഹൻലാലാണ്. ഇത്തിക്കരപക്കിയുടെ വേഷത്തിലെ ഒരു ചിത്രം മോഹൻലാൽ ഫേസ്ബുക്കിലൂടെ പങ്കുവച്ചിരുന്നു. ഒടിയൻ ലുക്കിനുശേഷമുള്ള ഈ പുതിയ ലുക്ക് കണ്ട് ആരാധകർ ഏറെ ആകാംക്ഷയിലാണ്. രണ്ടര മണിക്കൂറിലേറെ ദൈര്ഘ്യമുള്ള ചിത്രത്തില് ഏതാണ്ട് 20 മിനിറ്റ് നീളുന്ന കാമിയോയിലാണ് മോഹന്ലാല് എത്തുന്നത്.
പത്തൊമ്പതാം നൂറ്റാണ്ടിൽ മദ്ധ്യതിരുവിതാംകൂർ പ്രദേശത്ത് ജീവിച്ചിരുന്ന മോഷ്ടാവായ കായംകുളം കൊച്ചുണ്ണിയുടെ ജീവിതകഥ പറയുന്ന ചിത്രത്തിന് ബോബി സഞ്ജയ് ആണ് തിരക്കഥ ഒരുക്കുന്നത്. ചിത്രത്തിനായി 15 ലേറെ ദിവസങ്ങളുടെ കാള്ഷീറ്റാണ് മോഹന്ലാല് നല്കിയിട്ടുള്ളത്. മലയാള സിനിമയില് ലാലേട്ടന് മാത്രം ചെയ്യാന് കഴിയുന്ന കഥാപാത്രത്തെ അവതരിപ്പിക്കാനാണ് അദ്ദേഹം എത്തുന്നതെന്ന് നിവിന് നേരത്തെ പറഞ്ഞിരുന്നു. മോഹന്ലാലും നിവിന്പോളിയും തിരശ്ശീലയില് ഒരുമിക്കുന്നതിന്റെ ആകാംക്ഷയിലാണ് ഇരുവരുടെയും ആരാധകര്. ചിത്രത്തിന്റെ ഷൂട്ടിങ്ങ് പുരോഗമിക്കുകയാണ്.
https://www.facebook.com/Malayalivartha